[center][b][color="#008080"][size="6"]السلام عليكم يا فتوكات
النهاردة لتانى مرة باعمل البيتزا ومعايا تكاية للتخمير السريع بما ان الجو برد وكده هانقعد نستناها ساعتين تخمر
اولا اقولكم على المقادير
المقادير :
2 كوب وربع دقيق اللى هو مج الشاى
معلقة صغيرة خميرة باودر
ملعقة ونصف صغيرة سكر
نص ملعقة بيكنج باودر
3 معالق زيت ذرة
3 معالق صغيرة زبادى
رشة زعتر
رشة ملح
ماء دافئ للعجن
الطريقة
1.. نحط الخميرة والسكر وشوية ماية دافيه فى كوب او طبق صغير وتغطى حتى التخمير
2..نضع كل المكونات على بعضها ماعدا الماء يوضع شوية بشوية ويتم العجن بالعجان او باليد الى ان نحصل على عجينة طرية لا تلتصق بالايد
3..تترك لتخمر حتى يتم تجهيز باقى المكونات حوالى نصف ساعة
انا بقى باعمل ايه عشان تخمر بسرعة ؟؟؟ اقولكم
انتى طبعا بتكونى حطة العجينة فى حاجة غويطة هاتجيبى حاجة اكبر من اللى العجينة فيها وتحطى فيها ماية دافية وتغطى العجينة بكيس بلاستيك وبعدين بفوطة نظيفة وتغطيها بطبق وهاتسيبيها فى الطبق تخمر لحد ما تجهزى الحشوة بتاعتك مجرد نص ساعة وهتلاقى العجينة عليت خالص
ودا شكلها لما خمرت
وتعرفى انها خمرت لما تحطى صوباعك فيها تلاقيها ما بترجعش تانى
كده
حشوة البيتزا
طبعا بتتغير على حسب الرغبة
انا فردت العجينة فى صينية البيتزا بعدين دهنت كاتشاب او ممكن صلصة
بعدكده تحطى رشة جبن خفيفة انا استعملت جبنة رومى وشيدر
بعدين طماطم وفلفل وزيتون ودواير بصل لو تحبى
بعد كده حطيتها فى الفرن لحد ما اتحمرت من تحت وقربت ع السوا من فوق
بعد كده جبت باقى الجبن المبشور حطيت عليه رشة قرفة ورشة بهار لحم وحبة البركة ورشة زعتر غير اللى فى العجين ووزعته كويس وحطيت كام معلقة جبنة كريمى موجودة عندى اسمها كيرى ديربى وحطيتها فى الفرن تانى لحد ما الجبنة ساحت
والحمد لله طعمها كان جميل
ومعاكم الصور
يارب تعجبكم
اخيرا اتمنى منكم دعوة حلوة لى ولزوجى وابنى بالهداية والقرب من الله
ياريت يابنات تقديرا لمجهودى فى رفع الصور ووالله والله بحق اذان الفجر النت كان تقيييييل جدا وتعبت جدا فى رفع الصور
ارجوكم ياريت على اد المشاهدات اللى بلاقيها الاقى ردود وتقييمات او حتى ترفعى الموضوع بدعوة حلوة ربنا يجازيكم خير
احبكم فى الله
فيه اضافة بس يا بنات عاوزة اقولكم ان العجينة دى بتدى نفس نتيجة عجينة العشر دقايق يعنى ممكن تعملوا بيها فطاير او كرواسون او باتيهات وطبعا باضافة الزبدة او لا زى ماتحبوا واعتقد انها ممكن كمان تنفع للعيش الفينو بس تكترى السكر شوية عشان العيش يبقى طعمه حلو وانا عن نفسى عملتها بيتزا ومينى بيتزا وعملتها خلية نحل وعملتها فطاير بالجبنة وبالعجوة وجميلة وهشة اوى ما شاء الله اهم حاجة لو هاتعمليها فطاير تسيبيها تخمر فترة كافية عشان النتيجة تبقى حلوة مواضيع هذا القسم برعاية
hopeless_87 hopeless_87 فتكات رائعة Fatakat 46977 المنصورة – مصر