السلام عليكم ورحمة الله وبركاته
ازيكم ياماماهات عاملين ايه في الشتا ده ؟ اتدفوا كويس و دفوا النونهات
بدون مقدمات انا بجد محتاجة مساعدتكم
الحمدلله ولدت بقالي شهر و ده اول نونو ليا وهي بنوتة الحمدلله .. المهم انها مبتشبعش ابدا مهما رضعت ومش بتنام بالليل غير لما اديلها بيبي درينك ده بس بزود فيه الميه عشان ميبقاش مسكر عليها اوي
و قرأت انه مش محبب وناس تقول دي اعشاب وصحية وبتهدي .. وفعلا بلاقيها هديت ومعدتها اتملت ونامت على طول
المهم هي طول اليوم رضاعة يادوب 10 دقايق وتروح نايمة وتقعد مثلا ساعة وتصحى تاني عاوزة ترضع و ده مش بيسيب فرصة لجسمي يكون لبن عشان اديهولها ومش عارفة اعمل ايه
مش عارفة ازاي انيمها فترة طويلة وتكون شبعانة عشان اسيب فرصة بس جسمي يعمل لبن و ف نفس الوقت عاوزة حاجة أمان ليها يعني اديلها اعشاب ايه ولا اديلها لبن صناعي رضعة واحدة في اليوم بس ولا اعمل ايه خصوصا اني اصلا ضعيفة جدا وخسيت في الولادة اوي ولسه اكلتي على قدي .. عاوزة حاجة تساعدني بس تنام شوية وتكون شبعانة عشان انا بمتحن ومش عارفة الاقي وقت اذاكر فيه
ياريت تردوا عليا ومتبخلوش عليا بنصيحة حتى لو صغيرة
Falling Rains Falling Rains 507165_2.gif فتكات متميزة Fatakat 507165 ManSouRa – مصر