السلام عليكم ورحمه الله
ازيكوا يا احبائي قبل قراءه الموضوع ادعو لامي بالشفاء
انهارده هعملكم بكاكين حاجه كده زي القرص الطريه بس بالسمن البلدي واكيد معظم الفتوكات عارفنها
المقادير
2 كوب دقيق
نصف كوب سمن بلدي سايح
كوب زبادي ونص كوب لبن مذابين او لبن رايب
رشه ملح
نصف ملعقه سكر وملعقه خميره
سمسم
طبعا حسب عدد الافراد
نبتدي بسم الله
ناخد الخميره والسكر والدقيق والملح والسمسم ونخلطهم
وننزل بالسمن السايح عليهم لحد ما يتشربوا السمن كله
وبعدين اللبن الرايب او الزبادي بالحليب
لحد ما تلم معانا ونسبها تخمر ساعه تقريبا
وده شكلها بعد ما خمرت مش بتتضاعف اوي عشان السمنه ناخدها ونفردها( بس بارتفاع ربع سم مش زي العيش رقيقه) ونقطعها دواير كبيره انا استخدمت طبق الايس كريم
وبعد كده نبطتها خفيف زي كده
ونحطهم في صنيه مدهونه ومرشوشه دقيق بس نسيب مسافات وبعد ما نخلص نرش سمسم ونغرسها بالشوكه
وتخبز في نار متوسطه لمده 5 دقائق ونقفل ونشغل الشوايه لحد ما تبقي لونها دهبي ونحضر حله بغطا او فوطه نضيفه ونغطيها اول ما تطلع طبعا ريحتها خيااال واهه صورتها بعد ما طلعت وبردت
ودي شكلها من تحت
وصوره من جواها
ودي واحده تانيه ههههههههه جوزي دخل عليا خد الطبق وطلع وسابلي دي
بجد جميله وريتها جميييله عايزه جبنه وكوب شاي والف هنا مواضيع هذا القسم برعاية
جويريه روح قلبي جويريه روح قلبي 758087_4.gif فتكات رائعة Fatakat 758087 الرياض – السعوديه