السلام عليكم
ازيكم يا فتوكات عاملين ايه
انا بعد ما قلت لكم على طريقتى فى تخزين البطاطس جبت لكم وصفة سهلة
وكل الولاد بيحبها
ودهى كفتة البطاطس على طريقتى
ومعاها بتنجان مقلى تحفة والسلطة كمان
بس الاول ده رابط تخزين البطاطس
https://fatakat.univanet.com/#1115165
ندخل بئى فى الموضوع
1-كفتة البطاطس
المقادير
نص ك بطاطس مسلوقة نص سلقة ومبشورة
بيضة
2م ك بقدونس مفروم
ربع كوب رز مغسول ومطحون فى الخلاط
(او2 م ك دقيق و1 م ك نشا)
فصين توم مفروم مع قرن فلفل اخضر وياسلام لو كان حامى
2 م ك لبن
شوية بقسماط مطحون
الطريقة
نقلب كل المقادير مع بعض ماعدا البقسماطوهنلاقى خليط متماسك شوية
نحضر طبق مسلطح ونفرد عليه البقسماط وننزل بالملعقة شوية من الخليط وندحرجه بصوابعنا على البقسماط بدون ضغط
عليها الى ان تغطى بالبقسماط ونركنها برفق على جنب فى الطبق الى ان تنتهى الكمية ونتركها 10 دقايق
حتى يلتصق بيها البقسماط ونقليها فى زيت غزير وتقدم ساخنة وبالهنا والشفا
واحلى حاجة انها خفيفة جداااااااا ومتشربش زيت ومقرمشة من برة وطرية من جوه
2- البتنجان البانيه
اه والله بانيه
المقادير باذنجانة مقطعة بالطول وهاقولكم ليه بالطول بعدين
فصوص توم مفروم او توم بودر
بصلة صغيرة مبشورة هناخد العصير بس او بصل بودر
بيضة
خليط من البقسماط المطحون والدقيق بنفس النسبةوممكن نضيف لهم سنة من بودرة التوم والبصل (اختيارى)
الطريقة
هنعصر ميه البصلة على التوم المفروم ومعاهم ملح وفلفل وشوية شطة ونتبل بيهم البتنجان لمدة نص ساعة لحد ما يدبل ويتشرب
التتبيلة وبعدين فى طبق غويط هنخفق بيضة بسنة ملح وفلفل وننزل فيها البتنجان بتتبيلته ونقلب لحد ما يختلط كله بالبيض
وبعدين نبدر بالبقسماط والدقيق ونسيبه شويه لحد ما يمسك فية البقسماط
ونقلى فى زيت ساخن غزير
وتحدى لو لئيتى فيه نقطة زيت داخل البتنجان نفسه لكن طبعا هنطلع على ورق تنشيف عشان الخلطة تقرمش من برة
وطعمها زى الفراخ البانيه واحلى بالهنا والشفا
3- سلطة البنجر
زهئنا من سلطة الطماطم قلنا نغير
الطريقة
1-خساية مقطعة
2-جزرة مبشورة
3-بنجراية طازة مبشورة
4-قرنين فلفل اخضر وممكن الوان
5-ممكن نضيف زيتون مخلل او ليمون مخلل او خيار مخلل
ونقلب كله على بعضه ونتبل بالخل والليمون وسنة ملح وكمون ومنكترش الملح
ملحوظة
ممكن نضيف للسلطة دى علبة تونة وتبئى سلطة تونة
وممكن نتبل ربع فرخة مسلوقة ومقطعة صغير ونتخلص من العضم والجلد فى فصين توم مفروم مع عصير ليمونة
و2 م ك خل و1 م زيت زيتون لمدة ساعة فى الثلاجة وبعدين نعمل السلطة دى ونقلبها عليها واااااو تحفة وهتعجب الولاد اوى
يارب طريقتى فى الاكلات دى تعجبكما حنا بنزهئ من الطبيخ على طول
والتغيير مطلوب
ومعلش طولت فى الرغى
احبكن فى الله
مواضيع هذا القسم برعاية
جوهره البدر جوهره البدر images/avatars/purplestar.gif فتكات ست الكل Fatakat 263078 فى حضن حبايبى – مصر قبلى وبحرى