ازيكم يا فتوكات انا انهاردة جربت طريقة الشيف نجلاء للبطاطس المبشورة المقلية بالجبنه المبشورة
المقادير
بطاطس مبشور (انا جربت في ثلاث بطاطسيات وبشرتهم في مبشرة البصل )
جبنه مبشور (كان عندي رومي وشيدر)
ملح
بيضه
دقيق مقدار معلقتين
الطريقة
تبشري البطاطس وتحطي عليها الجبنه المبشورة والبيضة والدقيق وملح انا زودت عليها شويه ثوم بودر أداها نكهه حلوة وتقلب جميعا
تحطي شويه زيت في الطاسة مش غزير زي بتاع التحمير لا ااقل منها شويه وتكون النار وسط علشان ما يتحرقش ويتحمر كأنك بتعملي طعميه بغرف بمعلقة وعلي الطاسة علي طوول طعمها والله يا بناااات تحففففففه انا عيالي انقضوا عليها وعايزيني اعملهالهم كل شويه وده الطبق اللي لسه عملاها وجنبها كاتشاب برضه عملتها علي طريقة فتوكة هنا اسمها هناء القلب ربنا يجازيها خير زي الجاهز. بالظبط
مواضيع هذا القسم برعاية
amelmahmoud amelmahmoud 818463_1.gif فتكات متميزة Fatakat 818463 القاهرة – مصر
