بصوا بقه يا فتاتيك …دى أول مرة أشارك بوصفة أكل
وعايزة تشجيع آخر حاجة
لأنى استفدت كتير بجد من فتكات وعايزة أفيد حد ولو بحاجة بسيطة خااااالص
أنا عملت بسيمة النهاردة …كنت غشا الطريقة من منال العالم وكتباها عندى والنهاردة نفذت
معلش بقه مافتكرتش أصور الخطوات …بس صورت لكم الشكل النهائى
المقاديــــــــــر
1/2 كوب دقيق سميط
1/2 كوب دقيق أبيض عادى
1/2 كوب سكر ناعم
1/2 كوب سمن سايح
1/4 كوب لبن
1/4 كوب ماء
2 و 1/4 كوب جوز هند ناعم
1 ملعقة صغيرة ماء ورد
الطريقــــــــة
حضرى الشربات بتاعك بطريقته المعروفة ( ماء + سكر + ليمون + فانليا ) وحطيه فى الثلاجة .
وابدأى بقه معايا
الأول ولعى الفرن عشان يلحق يسخن
هاتى بقه طبق اللى بتعجنى فيه وحطى فيه كل المقادير واضربيهم بمضرب البيض ضرباً مبرحاً
لحد ماتلاقى العجينة بقت عندك شبه عجينة البسبوسة
ادهنى بقه الصينية بالسمن …وحطى العجين فيها وساويها بكف ايدك لأنها تخينة .
حطيها بعد كده فى الفرن وسيبيها حوالى 1/3 ساعة لحد لما تلاقى لونها بقه دهبى ويفتح النفس
طلعيها بقه ياقمر وانزلى عليها بالشربات المثلج
بجد طعمها روووووووووووووووعة وسهلة وبسيطة …..بألف هنا وشفا
شوفوا صورتها …هى أحلى من الصورة على فكرة
أنا عارفة إنكم شطورات …بس قلت اهى حاجة بسيطة من ايدى
يالا بقه شجعونى وقيموا عشان أوريكم شطارتى مواضيع هذا القسم برعاية
sweet tota sweet tota images/flowersavatars/avatar0021.jpg فتكات هايلة Fatakat 384563 الإسكندرية – مصر