أزيكو يا فتوكات طبعا متكتكين من البرد وعاوزين حاجه سخنه تدفيكو أيه رائيكو فى فشار سخن بقى سهل وعبيط جدا ماتقلقوش بصى يا ستى تجيبى ذره فشار من العطار أو كيس مغلف من السوبر ماركت زى ما تحبى وتجيبى حله (أى حجم) محكمه الغلق غطاها قافل عليها كويس يعنى وتحطى فيها ملئ قبضه اليد دره فشار وتحطى أد 3 ملاعق كبيره زيت دره(خدو بالكو الزيت لما بيقى كتير مايخليش الفشار يجلد كل ما الزيت كتر كل مابقى هش وطرى ) وتقلبى الفشار مع الزيت بحيث يكون الفشار مغلف بلزيت وممكن يا ستى تقلبيه بأيدك علشان المعلقه مش هتقوم بلمهمه كويس ومعلش أبقى أغسلى أيدك بعدها وبعدين غطى الحله وولعى عين البوتجاز (العين اللى هى بنعمل عليها الشاى يا فتوكات يعنى العين العاديه اللى بيبقى فى منها أتنين فى البوتجاز) وحطى حله الفشار وماتوطيش العين سيبيها عاليه ماتخافيش هو بيتعمل على عين عاليه مش متوطيه(وماتسمعيش كلام اللى يقولك بيتعمل على نار صغيره ولا زيت قليل والله كل ده أى كلام وياما أدبست فى الكلام ده وكان يفشل الفشار وأعد أعيط ) وأقفى جمبه 5_7 دقايق هتسمعى صوت فراقيع الفشار ورا بعضها اصبرى عليه لغايه مايبطل فرقعه وشيلى الحله من على النار بس ماتشليش الغطا الا بعدها 2-3 دقيقه علشان بيفضل ينط وبيبقى سخن لحسن ييجى على عين حد ولا حاجه خدو بالكو من النقطه دى وبعدين هاتى طبق واسع وأقلبى فيه الفشار مع رشه الملح الجريئه ويا سلام بقى مع كوبايه شاى أنيقه وبلهنا والشفا و يارب أكون أفادتكم واللى تعملو يا جماعه تيجى تقولنا أحساسها أيه ههههههههه……… دعواتكم ليا يا جماعه ربنا يرزقنى بأبن الحلال
مواضيع هذا القسم برعاية
emanotaa emanotaa 199319_3.gif فتكات رائعة Fatakat 199319 مدينة نصر – مصر يعنى أم الدنيا
سبحان الله و بحمده