ازيكم يا فتوكات عاملين ايه
انهارده ومن غير مقدمات هنعمل مخلل الباذنجان الروعه
بجد تحفه حتى شوفوا كده الاول
المقادير
نص كيلو بتنجان عروس ويستحسن يكون صغير
نص كيلو فلفل روى
نص كيلو فلفل حامى
كوب خل
6 ليمونات
نص كيس ملح
2 ملاعق كمون
راس توم مفرومه
الطريقه
الاول نحضر خلطه الحشو وهى عباره عن
الفلفل الحامى والتوم ونص كوب الخل و4 عصير ليمونات ونص كيس الملح والكمون
ونحطهم فى افوود بروسسور يطحنوا كويس اووى
طبعا هناخد الى يكفينا والباقى نحطه فى علبه ونشيله فى الفريزر لما نحتاجه تانى يبقى جاهز
هنجيب الباتجان اوالفلفل الرومى الى اشترناه
ننضف الجزء الاخضر بايدنا مش بالسكينه ونغسلك كويس ونعمل فيه فتحات بالسكينه هو والفلفل علشان اما نقليهم فى الزيت ميطرطشوش
نقليهم فى زيت حامى ونوطى النار علشان البتنجان يستوى من جوه كويس
واما يطلعوا علطول ندريهم رشه ملح ونعصر الليمونين الباقيين عليهم ونص كوب الخل الباقى
واما يبردوا كويس نحشيهم بالخلطه الى جهزناها وانا كما بحشى الفلفل لرومى زى البتنجان بالضبط
وطبعا نستخدم الى نستخدمه والباقى يحفظ فى التلاجه فى علبه محكمه لحين الاستخدام
يا رب يعجبكم يا فتوكات وتجربوه
ومتنسوش الردود والتقييم
مواضيع هذا القسم برعاية
شروق الشمس 2024 شروق الشمس 2024 282785_28.gif ربنا يشفيكى يا أمى Fatakat 282785 مع جوزى – فى بيتى