ازيكم يا قمرات
البتنجان المخلل
سهل وبسيط
وحاجة تفتح النفس
كلنا في البيت ما نستغناش عن المخللات تفتح النفس وتخلي للاكل طعم تاني
عشان كدة حبيت اقولكم طريقة البتنجان المخلل
بشكل بسيط وكلها مكونات موجودة في كل بيت
أولا المكونات
1- البتنجان
حوالي 10 يكون بتنجان متوسط مش تخين اوي وومكن لو بتنجان رفيع
انت بتشتريه وبتقولي عاوزة بتنجان تخليل
2- رأسين توم
3- 10 ليمونات
4- فلفل اخضر حسب الرغبة ( ممكن لو حار اوي يبقى 2 كفاية )
5- ملح وفلفل اسود وكمون
6- نص كوباية خل
ثانيا الطريقة في منتهى السهولة
1- اغسلي البتنجان كويس وشيلي الجزء الاخضر من فوق وحطيه في حلة فيها مية مع شوية ملح ابيض وسيبيه على النار يتسلق
2- فصصي التوم وقطعي الفلفل الاخضر وعصير الليمون والخل على بعض واضربيهم سوى في الخلاط وعليهم الملح والفلفل الاسود والكمون حسب ما تحبي
3- لما يتسلق البتنجان طلعيه وسيبيه يتصفى وبعدين افتحيه بالراحة بالسكينة واحدة واحدة وحطي الخلطة جواه ورصيهم مع بعض واهم شئ تخلي شوية من الخلطة عشان تغرقى بيهم كل البتنجان في الاخر
ملاحظات :
1- ما تسيبيش البتنجان يتهري في السلق خلي بالك بس يطرى ويبقى ينفع يتاكل وخرجيه يتصفى من المية على طول .
2- لازم تغطي البتنجان كله ويغرق في الخلطة عشان يبقى طعمه جنان.
وبألف هنا وشفا يا قمرات
منقووول
مواضيع هذا القسم برعاية
مريم السلفية مريم السلفية 264091_11.gif فتكات ست الكل Fatakat 264091 القاهرة – مصر