السلام عليكم ورحمة الله وبركاته
انا كنت قريت ان الاناناس والكيوى بيخسس وفى واحده قالت انه خسسها 12 كيلو بس صراحة المبالغات دى مش بصدقها وحتى لو صحيح فده يبقى خطر جدا لانه هيعمل سقوك للكلى وترهل وبلاوى
انا برضع وبعمل دايت بخس براحة اوى وعرفت ان السبب ان هرمون البرولاكتين بيعمل كده وان اول ما افطم هخس اسرع بس انا عايزة اخس ومش عايزة افطم البنت قبل سنتين اعمل اييييهههههههههههه
عملت دايت بهاء ناجى اللى بيجى فى الحياه وبدل ما اتعشى ثمرتين فاكهة بقيت اتعشى عصير الاناناس والكيوى والصبح امشى نص ساعه على المشاية وكل م اسمع ع لى مشروب حارق دهون بعملة
لاقيت ان الكمون والليمون بيفتح نفسى زياده مش بيسدها
الزنجبيل والقرفة والكلام ده بينفخلى القولون
خل التفاح عملى غازات وبهدلة فى القولون
الاناناس والكيوى بقى هو مخسيسنيش بشكل زياده لكن اللى لاحظته انى لما بمشى تانى يوم الصبح كمية العرق بتبقى غزيرة جدا اكتر من الاول بكتير وجوزى قاللى كده معدل الحرق زاد فحبيت اقولكم
انا بقالى 4 ايام
تجيبى 2 كيوى وشريحتين اناناس وشوية ماية نونو واخلطية واشربية بدل العشا وعلى فكرة بيشبع كمان يا ريت مش ناكل بعد 7 اى حاجة العصير ده بس قبل النوم او براحتك
اللى لاحظتوه بقى من التجارب الكتير
alexx alexx فتكات متميزة Fatakat 181946 اسكندرية – مصر