السلام عليكم ورحمة الله وبركاتة
انهاردة يافتوكاتي عملت اكلة طعمها تحففففففففففففة
يلة بينا نبدااااا
اول حاجة
شوربة جمبري بس استني دي طعمها جنان وبالصور كمان
الشوربة دي اعمليها وجوزك حيفرح بيها وايةةةةةةةةةةة
طالبة معايا شعبولا ههههههههههه
حنقطع بصل طرنشات وجزر طرنشات وشوية زيت وعلي النار عدل
وبعد ما يتشوح نحط الجمبري وكرفس وعدد 2 طماطم
وطبعا البهارات بتاعتنا شطة وكمون وملح وبهارات سمك
ونغطي عليهم ونسبهم لغاية ما يتسبكوا مع بعض
بعد كدة نحط المية
ونسيبهم لغاية ما الجزر يستوي حوالي ربع ساعة
وبعد كدة حنشيل بمصفاه البصل والجزر والكرفس والطماطم
حنشلهم ونضربهم بالخلاط وبعد كدة اضفهم للشوربة
طبعا الشوربة بقت تقيلة وريحتها تحفة
قلت اما اعمل بتنجان بابا غنوج
ادور في التلاجة ملقتش غير اتنين صغنين طب والحل
دول مينفعوش ولا يكفوش عفركووووووووووووش عفركوووووووووووووووش
سلقت بطاطستين
رحت حاطة البتنجان علي البطاطس علي عودين كرفس وملح وزيت وكمون وثوم
واضرب في الخلاط
بصوا الكمية والله طعمة طلع روعة سبحان الله
وعملت معهم سمك بوري
حنعمل خلطة كدة عبارة عن بصل وطماطم وكرفس وثوم ونضف السمك كويس
واحشية كويس
وبعد ما نحشية نرصة في صنية مع حبة زيت وعلي الفرن عدل
وقبل ما يستوي ب 10 دقائق خدي بقي الوصفة دي والله الكل حينبهر بالسمك لو عملتية كدة
قبل ما يستوي مباشرة
حتحطي في الخلاط 3لمونات وعودين كرفس وربع راس ثوم وحبة مية صغنين
واقلبيهم علي الصنية
وسبيهم يكملوا سوي وابقي قابليني لو شميتي ريحة زفارة نوهااااااااااااائي
اتمني الاكل يعجبكم ولو عجبكم طبعا قيموااااا
ولو معجبكوش بردوا قيموااااا رقبتي اتكسرت من الكتابة
اة يا رقبتي اتلوحتي ياشابة بدري بدري
التقيييييييييييييييم اماااانة
مواضيع هذا القسم برعاية
عاشقة القران اللولؤ والمرجان عاشقة القران اللولؤ والمرجان 170408_19.gif فتكات ست الكل Fatakat 170408 الاسكندرية – بيتي الجميل وبناتي القمرات