السلام عليكم
انا فى بنتى الاولانية قعدت يوم كامل يعنى دخلت المستشفى من اول اليوم الصبح و دخلت اودة العمليات على الساعه واحدة فقت على الساعه 3 و قعدت باقى اليوم و طول الليل ف المستشفى و طبعا فادتنى كتير خبرة الممرضات و البنت تعبت بالليل شوية و الممرضات لحقوها و مشيت تانى يوم الصبح يعنى قعدت 24 ساعه فى المستشفى
المرة دى الدكتور بيقول مفيش اودة عمليات غير الساعه 8 ليلا و سالته همشى امتى قالى الساعه 10 الصبح
عاوزه اسالكم كده يبقى ده وقت قليل حسه ان اللى معايا والدتى و قرايبى يدوبك يطمنوا انى فقت و هيمشوا لان الساعه هتبقى حوالى 10 او 11 ليلا و احنا ساكنين بعيد جدا عن المستشفى و مش هيتبقى معايا غير المرافق و خايفة احتاج حاجه و لا الوقت كده هيبقى كفايه
احاول مع الدكتور تانى يغير الميعاد و لا اتوكل على الله اصلى حسه ان الدكتور بيشتغلنى فى موضوع مفيش اودة غير 8 ليلا عشان عنده مؤتمر و حسه كل حاجه متلغبطه . ردوا عليا
honey bunny honey bunny فتكات حبوبة Fatakat 660264 cairo – egypt