السلام عليكم حبيباتى
انا زى ما العنوان بيقول قدر لى الله انى احتاج هده الاشعة وانى اعملهابس والله زى ما قدر زى ما لطف
انا يا جماعة رزقت بطفل الحمد الله الان عمره 3 سنين ونص وبعد ما شلت اللوب بقالى 8 شهور ما حصلش حمل قلقت الدكتور خلنى عملت تحليل FSH , LH, البرولاكتين
والنتيجة ان البرولاكتين 45 لكن الباقى تمام والله قلت الخمد الله انى ظهر سبب اخدت الدستونيكس بس بلا جدوى
ولقيت نفسى وصلت لللى بهرررررررررررررررررررررررررب منه من كام شهر
الاشعة بالصبغة الدكتور قلى لا كده لازم تعمليها خاصا ان فى عمليات قبل كده القيسرية والزايده بعدها علطول عملتها فخاف الدكتور يكون فى الاتصاقات
والله خرجت اعيط عياط ومحبطة لانى والله كنت بدعى ربنا متبهدلش البهدلة دى ولا اتكشف على دكتور رغم انى عارفه ان لا حياء فى العلم بس والله الستر نعمة ربنا ما يحرمنا منها
ولاهم يا بنات انا اه حملت وولدت وفتح بطن والحركات دى بس والله ولا الاطفال عندى فوبياااااااااااااااااااااااااااااا من الحقن والناس بتضحك عليا
حكيت لكم قصتى المهم بقى الاشعة نفسها
اناكنت قريت كتابتكم عنها كتير ومت من الرعب بصراحه لا اراء القليل
وانا ببحث لقيت موضوع لاخت لنا هنا اسمها مغربيه عملت الاشعه وحكت تجربتها لقتها بتقول دكتوووووووووووورة
دكتورة فرحت جدا لا والممركز ده قريب منى هو فى مصر الجديدة تخيلو بعد ما حجزت فى مركز مصر للاشعة وبالبنج وكان السعر 510 ومفيش دكتورة
لقتنى بتصل بالمركز ده اللى عملت فيه مغربية ارتحت جدا من رد الرسبشنت عليا وجوبتنى على كل اسئلتى وتوسمت خير ولقتها بتقولى بنج موضعى والسعر 350 جنية واكدت ان الطقم كله بالمركز سيدات تخيلو كان نفسى دكتورة واحده طلع المركز كله بلا رجال
طبعا احنا للاسف عند البعض انطباع ان الدكترة الستات مش شطرين زى الرجالة ولقيت الكل بيعرضنى يابنتى هتتبهدلى حد يعمل كده
بس انا قررت واخترت حسيت انى لما اختار الستر ورضا ربى حتى لو كان اصعب هيرضينى ربى رغم انى لا احرم الدكترة الرجالة وبحتجلهم طبعا دى رخصة ربنا لينا بس طلما اقدر اختار الستر يبقى ليه لا
الخطوااااااااااااااااااااااااااااااااااااااااااات
1- اخذ حقنتين عضل بسكوبان و2 لبوسة شرج فولترين
وفيدتهم يا حبيباتى ارتخاء عضلات الرحم والانابيب مما يجنب تشنجهم اثناء الحقن وكمان التغلب على احتمالات المغص من الصبغه وطبعا دى طلبات الدكتورة وكان قبل الاشعة بسعتين
2- دخلت غرفة الاشعه خلعت ملابس الجزء الاسفل فقط ولبست مريلة زى العمليات نمت على السرير فوقى جهاز التصوير الخص بالااشعه
3- دخلت الدكتورة وهى بشوشة جدا حاسة بيا وهدتنى وشرحتلى هتعمل ايه وانه لا داعى للقلق والخوف حتى لا تظهر الانابيب مقفولة وهى سليمة
4- قامت الدكتورة بتعقيم المكان بمسحه بمادة زى الديتول بقطن
5- ورتنى الدكتورة المنظار اللى هيدخل عشان تتطمنى وهو يا جماعة حاجة معدن كدهبيتحط عليها جل لتدخل بسهولة وظيفتها فتح عنق الرحم ودى يا جماعة المرحلة اللى حسيت بيها ببسيط من الالم
6- بعدكده الدكتورة قلتلى خدى نفسك برحتك واسترخى لانى كنت شديت اعصابى وفكرتنى باتفقنا فى الاول وقلتلى اول ما تجهزى هنبدا تانى والله صبرت كتير عليا المهم دخلت كيلونة زى الانبوبة طويلة وبعديا حقنت فيها الصبغة مرتين
7- بدات احس بمغص بسيط جدا لا يذكر قلتلى تمام كده يبقى الصبغة ملت الانابيب واخدت صورة وكنت شيفة كل حاجة على المنيتور وبتشرحلى وتطمنى
8- حقنت لتالت مرة صبغة لانها مكنتش وصلة لاخر وصورت تانى
9- شالت الامنظار وقمت اتشطفت فى الحمام ورجعت اخدت اخر صورة
هما يا جماعه 4 صور
1 قبل الحقن وصورتين اثناء وواحد بعد الحقن خالص
الحمد الله خلصت ولبست ومكنتش مصدقة نفسى انى بخير وبتحرك وبمشى عادى
والمفاجاة الدكتورة عشان تلعب على العامل النفسى عندى قلتلى بنج موضعى بس ضحكت عليا زى الاطفال ومستعملتش اىىىىىىىىى بنج
والله مكنتش مصدقة نفسى والاهم النتيجة تمام والحمد الله الاشعة سليمة
والدكتورة لما حكتلها انى سمعت ناس بتشتكى من الاشعة وضحتلى ان فى ناس ببتعب فعلا مش بيكدبوا ودى لسسببين حسب جودة المكان وشطارة اللى بيعمل الاسشعة ونوع الصبغة المستخدمة ودى كانت احث نوع بس للاسف مش فكرة اسمها غير اللبيدول والميرورجرفين
المهم يا جماعة انا كتبت الموضوع ده لعده اهداف
1– اى فتوكة مطلوب منها الاشعة دى توكلى على الله ومتخفيش خالص ويارب الخطوات دى تساعد ولو بنت واحدة
2- حبيت اوريكم ازاى ربنا بيقدر لينا حجات اه بس كمان بيلطف زى ما قدر
3- يا جماعة الدال على الخير كفاعله فلو مقدرتش اعمله يارب اكون دليت عليه زى ما عملت اختى العضوة مغربية
واسسسسسسسسسسسسسسسسفه جدا للاطالة
حنين الى الرحمن حنين الى الرحمن فتكات متميزة Fatakat 605416 القاهرة – مصر