السلام عليكم
اخيرا هم وانزاح وجبت الكهارب
اقولكم بقى على المفيد
الغساله
LG اللى هى تيلاندى 7 كيلو
بس نصيحه هاتوا الكورى ضمانها 10 سنين انا معرفتش غير لما روحت
انا لاقيت فرق 700 جنيه قولت مش هتفرق فى حاجه
طلعت بتفرق فى الضمان
التلاجه
بيكو اروبى تأفيل تركى 18 قدم بس واسعه اوى اكبر من الصوره بكتيييييير
انا فكيت باب الشقه عشان ادخلها من الباب
انا لاقيتها بسعر الوايت ويل المصرى 16 والتوشيبا كلها بقت مصرى
البوتجاز
يا جماله يا جماله
"اى كوك 4 شعله عشان المطبخ عندى صغير جدا جدا جدا جدا"
المكنسه
جبتها LG كورى 2024 وات
بحاويه غبار مش بكيس ….صغنونه خالص وشكلها كيوت احلى من الصوره
الكتشين ماشيين
مولونيكس الفرنساوى " اللى انا جبته دا اسمه ماستر شيف كتشين ماشين "
27 وظيفه …ومش معاه مطحنه توابل اشتراتها لوحدها
ومطحنه التوابل جبتها مور التركى
بعتذر لصاحبه الصوره
المكواه
تيفال فرنساوى " بخار سيراميك ""
بس النصحيه "مفيش احلى من المكواه القديمه بتاعتنا التقيله "
الفرن الكهربائى
جبته تركى 42 لتر شوايه ومروحه و ولمبه
جاى معاه صنيه كبيييييييييييييييييييير مقاس 40
بس للأسف مش لاقيه له صوره ومكسله اصوره
غساله الاطفال
جبتها 4 كيلو ترى تك
المروحه
فريش الشبح بالريموت وفريش بوكس
مضرب كهربائى بدون عجان "كوميتال"
بس مش لاقيه له صوره
ادعولى يا بنات ربنا يتم لى على خير انا و خطيبى ويباركلى فيه ويجعله زوج صالح
الصغيرة مونه الصغيرة مونه 686999_1.gif فتكات متميزة Fatakat 686999 طنطا – الغربيه