السلام عليكم ورحمة الله
بصو يا بنات انا هفكركم بيا
انا كنت اخدت الابرة التفجيرية
وطبعا زي اي واحدة مستنية البريود تيجي
في اليوم 17 ليها نزل نقطة دم بني فاتح كدة وبعدين وقف مع مغص دورة فظيع جداااااااا وكنت في اليوم ده عملت مجهود جامد قوي
تاني يوم المغص مستمر معايا ومفيش حاجة بتنزل وبالليل نزل افرازات مدممة بسيطة
وثالت يوم المغص مستمر ونزل دم بسيط بالعافية هو يوم واحد بس ولسا الوجع مستمر واول مرة يفضل كل الايام دي وشربت قرفة وحاجات سخنة علشان تنزل بالشكل المعتاد بتاعها ومفيش فايدة هو يوم واحد بالتيلة
ورابع يوم حاجات بني كدة
وخلصت علي كدة
بعدها بيومين لاقيت دم وردي فاتح مع افرازات كدة بس كان حصل معاشرة زوجية قبلها بكم ساعة وكان في وجع في بطني بسيط قوي بيروح ويجي
مش عارفة اعمل ايه وعلي فكرة بتحرك كتير ونازلة طالعة وبروح الشغل وبركب مواصلات كتير وبرضو مش عارفة حاجة
هو ده كله من الابرة التفجيرية علما باني كنت باخد سيدولوت نور اللي هو بيزود بطانة الرحم يعني المفروض الكمية تكون اكتر من كل مرة مش اقل
معلش اسفة اني بزعجكم معايا بس احنا ملناش غير بعض وربنا يراضينا كلنا ويرزقنا عاجلا وليس اجلا
دكتورة/دودي دكتورة/دودي فتكات هايلة Fatakat 676689 بنها – مصر