صديقاتى وحبيباتى الفتوكات الحلوين كلكم
وعضوات جروب ال 6 شهور وده اللينك بتاعه خاصه https://fatakat.univanet.com/#2285805-34
احب اقدم فى الموضوع ده اكل البيت العادى اللى احنا بنطبخه كلنا فى اغلب ايام الاسبوع بس بصور صحيه او دايت …..ايوه دايت زى ما عملت شركات الحاجه الساقعه وجدوا ان مبيعاتهم بتقل لما الناس بتعمل دايت او لا قدر الله يصابوا بالسكر واحنا ان شاء الله مش عايزين نحرم نفسنا من حاجه ولا نكلف نفسنا حاجه فوق طاقتنا
وان شاء الله كل يوم او يوم ويوم على قدر استطاعتى هدخل اجدد فى الموضوع واكتب افكار جديده عشان ما نزهقش من الدايت اونحسس اللى معانا فى البيت ان فى طوارىء وحد عامل دايت
معلش رغيت كتيييييييييييييييير اوى بس ندخل فى الموضوع
بسم الله
انا عملت النهارده بانيه دايت ……………ازاى ؟
جبت قطع البانيه وتبلتها من امبارح بالبصل والتوم (فصين تلاته مش كتير ) والبهارات والملح والفلفل الاسود وجيت النهارده زودت عليهازنجبيل مطحون وكمان بهارت وجبت طاسه تيفال ودهنتها بزيت خفيف اوى والزياده كبيته وسخنتها جامد جدا وبعدين حطيت البانيه وغطيته دقيقه ثم قلبته على الوجه التانى وبرضه غطيته اقل من دقيقه وبعدين طلعته طعمه تحفه وريحه التوم مع البهارات فى البانيه رائعه ودى الصوره
وكمان عملت سبانخ دايت ليا انا عشان جوزى وابنى مش بيحبوها ازاى قللت السمن جدا جدا وعوضت فرق الطعم انى استخدمت شوربه لحمه طعمه فيها كرفس وتوابل كتير ودى صورتها
كمان اوعى تنسى طبق سلطه كبير تحطى فيه خس كتييييييييييييير جدا ازاى؟
تقطعى الورق وتكتفى بالعروق بس وتغسليه كويس وتنقعيه فى ميه بخل وتعمل اكبر طبق سلطه يقدرك عليه ربنا وتضيفى كل الخضار طماطم بصل بقدونس وشبت ضرورى جدا جزر وبصل وممكن كمان تعلى قيمه السلطه الغذائيه لو ضفتى عليها حمص الشام المسلوق او اللوبيا الناشفه المسلوقه اوالعدس ابو جبه كل ده مسلوق وبكميات مش كتيره اوى وتقللى الملح والخل فيه وتحطيه فى التلاجه وفيه معلقه كبيره وكل ما تفتحى التلاجه تاخدى معلقه وتمشى بس كده عمرك ما هتجوعى واياكى ايدك تزوغ على حته كيك او شويه رز باقيين اوكوب بيبسى
اما بالنسبه لجوزى وابنى عملتلهم مكرونه بالصلصه وبرضه قللت لهم السمن جدا وعملت صوص لذيذ عباره عن معلقه كاتشب +معلقه مايونيز +معلقه خل + ملح +ذره سكر +فلفل اسود وممكن تخففيه بالماء وده طبعا مش لينا الان ناكله فى التثبيت بعد ما نوصل للوزن المثالى باذن الله
شكرا ليكم وعذرا لاطاله
مواضيع هذا القسم برعاية
dodi2017 dodi2017 437023_1.gif فتكات متميزة Fatakat 437023 رحمه ربى – مصر