السلام عليكم ورحمة الله وبركاته
اهلا بالفتوكات القمرات
البفتيك دااااايما بيتحمر والسمك الفليه كمان
هقولكم على طريقه جديده تنفع للتنين
بصي يا سيتي اولا هنجتاج ايه
1ـ ورق فويل فضى متقطع على شكل مستطيل.
2ـ بطاطس مبشروة شيبسي.
3ـ بصل متقطع حلقات رقيقة جدا.
4ـ تتبلى البفتيك فى ملح وفلفل اسمر بس.
الطريقه ببساطه:هتجيبى ورقة فويل وتبدأى تحطى فى وسطها المكونات بالترتيب,البصل ثم البطاطس ثم البفتيك,وتعملى طبقتين, يعنى كل ورقه يكون فيها قطعتين بفتيك , وبعدين يا سيتي تلفى الورقه وتقفليها كويس
وترصى الورق فى صينيه.
اما السمك الفليه نفس القصه بس هتضيفى عليهم شرائح ليمون وبقدونس وثوم.
بعد ما ترصى الورق فى الصينيه تضيفي كوب ماء كبير يعنى يوصل لنص ارتفاع الورقه , وبعدين تحطيه على النار وتغطيه كويس على نار هاديه وقبل ما الميه تنشف افتحى ورقه من غير ما تتقطع ولو لقيتي اللحم استوى حطى الصينيه فى الفرن وطبعا هيكون فيها ميه قليله تخليها لحد ما الميه تنشف, وكده خلاص. بس اوعى يا فتوكه انتي وهى
تسرحي قصاد فتكات وتسيبيها لحد ما تلزء
وترجعى تقولي الوصفه وحشه هاااااااااه
وممكن تقدميها بالورق زى ما تحبي
وبالهنا والشفتشي…
مواضيع هذا القسم برعاية
الصحابة اجدادى الصحابة اجدادى 342251_5.gif فتكات هايلة Fatakat 342251 اسكندرية – مصر