السلام عليكم ورحمة الله وبركاته
دي اول مشاركة ليا في قسم الطبخ ..بعد ما كنت باستشيركم بس في الوصفات قلت اشارك بقى المرة دي لاجل مساعدتكم ليا اللي اتمنى تعجبكم
اكتر من 50 فكرة بسيطة وصورة لبعض الماكولات وتحويلها من اكلات روتينية لاكلات جديدة تغير الروتين والملل وبعضها مناسب للاطفال عشان يحبوها وياكلوها … الصور جمعتها من بعض المواقع الاجنبيه واتمنى انها تعجبكم
نبدأ على بركة الله
بمناسبة شم النسيم كل سنة وانتو طيبين .. الصورة سهلة خالص وهي اننا نجيب اربع بيضات ونقسم البيضة الواحدة نصين ونرصها على هيئة وردة وفي النص نحط بطاطس مهرووسة او جبنة فيتا واي فرع خضرة عندك عشان يكتمل منظر الوردة ونبقى جددنا في شكل الفطار التقليدي سواء لينا او لاطفالنا
بطاطس مهرووسة وبتشكلها بالشوكة على هيئة دجاجة ( حلوة دجاجة دي )
ونجيب شريحة طماطم وبالسكينة نشكلها على هئية عرف الديك
والمنقار فص توم والعينين زيتونة
والارضية اي خضرة عندك برضه
السوسيس لو عايزين نعمل سيليزون بنقطعها زي ما الصورة موضحة على شكل قلب
بسكويت البوريو او الاوريو
وفيه انواع بيضة مش بالشيكولاتة
نرصها على هئية دودة او ام اربعة واربعين ونجيب الفاكهة المجففة من اي محل بيبيع مستلزمات الجاتوه والتورتة او اي عطار
باذن الله تعجب اولادنا وهيحبوا شكلها
نرجع تاني للسوسيس بس يراعي عند شراءه شراء الانواع الجيدة منه زي حلواني او امريكانا ومش نكتر منه في لاكل عشان صحة اولادنا
الصورة موضحة السوسيساية مقطعة ازاي بالطول ويراعي اختيار السويس الطويل مش القصير وبعدين تلفيها وممكن لو مش هتثب معاكي تلزقيها بخلة سنان من اخرها وتيجي تحطيها في الطاسة مع معلقة سمنة وفي النص تكسري بيضة جواها لحد ما الشكل يثبت ويجمد
وتشيليه على طبق مع اجمل توست او رغيف فينو وتزوقيها برضه بالخضرة ويكون عندك طبق فطار على شكل وردة
كيكة الارنب كيكة اسفنجية عادي جدا نجيب مقاديرها من اورقة مدونة فتكات
الفكرة في تقطيع الكيكة على شكل وجه ارنب كما هو موضح بالصورة ومناسبة جدا لاعياد ميلاد الاطفال
توست عادي بنقطعه بطريقة قطرية ونقوم بوضع قطعة اللانشون بهذا الشكل المرعب ويزين بالزيتون والجبنة والجزر والخيار كانها اسنان
نجيب سوسيساية ونقطعها بالطول شرائح بس مش للاخر كانها اخطبوط .. والعنين بتاعته حبتين فلفل اسود غير مطحون .. على طبق اندومي او مكرونة عادية
عش العصافير .. مكرونة اسباجيتي وفي النص كوبيبة او كفتة على هئية عصفورين في عشهم
ومنقارهم شريحة جزر وعينيهم نقطة جبنة كيري مثلا
سوسيس متشرحة بطرف السكينة يتوسطها بيضة وخيارة مقسومين شرائح على شكل فراشة
يتبع باذن الله
تجديد للموضوع مشاركة رقم
وجاري انزال بقية الخمسين صورة في المشاركات التالية
#34
#35
#42
#66
(اللي يعجبه الموضوع برجاء التقييم او الدعاء ليا ولاهلي وجميع المسلمين بالخير في الدنيا والاخرة)
مواضيع هذا القسم برعاية
amanda22 amanda22 فتكات هايلة Fatakat 262498 cairo – egypt