السلام عليكم ورحمه الله وبركاته ياحبايبى يارب تكونو بخير انا عارفه دوشاكم بأكلاتى بس اعمل ايه مبقتش احب اعمل حاجه الا اما انزلهالكم تشوفوها وكمان تشجيعكم ليا هو اللى بيخلينى اصورلكم كل الاكلات وكمان بحب القسم دا جدا مش لانى بحب الاكل وبس لانى بحبكم وبحس انكم مش بتستخسروا تردوا وتقيموا عن اى قسم تانى وبتهتموا فعلا بالموضوع انا بثبتكم اهو عينى عينك ههههههه يعنى اوعوا واحده تطلع من غير ماتقيم وتقولى رأيها يارب تعجبكم يالا بينا على الطريقه انا جبت كيسين مكرونه اقلام احنا بنسميها كده اللى هى الطويله دى وحطيت حله ميه على النار وفيها معلقه زيت كبيره ومعلقه ملح كبيره وسبتها تغلى وبعد ماتغلى حطى المكرونه فيها وسبيها تتسلق نيجى بقا للحمه المفرومه نقطع بصلتين و2فلفل و2 طماطم وكام فص توم ونحط حله على النار وفيها معلقه زبده ونشوح البصل لحد مايدبل معانا شويه وننزل بالفلفل والطماطم ونقلبهم حبه وبعدين نحط اللحمه ونغطى ونسبها تتعصج نيجى بقا لاهم حاجه اللى هو الباشاميل وده اسهل حاجه ومش بيكلكع منى خالص بحط 3 معالق سمنه واول ماتسيح انزل ب3معالق دقيق وبعدها على طول كيلو اللبن بتاعى وافضل اقلب لحد القوام المطلوب بس تقلبى بسرعه ومتسبيهوش الا اما يخلص عشان ميكلكعش منك وكدا خلصنا كل حاجه تعالو للصور بقا دى المكرونه مسلوقه اهى حطتها فى مصفى تصفى ميتها خالص ودا البشاميل بعد ماخلصوهنا رصيت طبقه مكرونه وفى النص اللحمه وبعدين طبقه مكرونه تانى وحطيت البشاميل فوق وهنا ضربت بيضه بشويه لبن صغننين وحطتهم على الوش بيحمر الوش ويخليه جميل اوى وسخنت الفرن على اعلى درجه ودخلتها وده شكلها بعد ماخلصت وبالهنا والشفا اخر طلب ادعولى ربنا يشفيلى ابنى الله يكرمكم سلام ياقمرات
مواضيع هذا القسم برعاية
one234 one234 568792_3.gif فتكات هايلة Fatakat 568792 كفر الشيخ – مصر
سبحان الله و بحمده