السلام عليكم حبيباتي واحشني كتير سامحوني لغيابي عنكم الفتره اللي فاتت العمليه ملخبطه شويتين معايا اللاب عاوز يتصلح والنت كمان مش مظبوط الله المستعان ربنا يصلح الحال وارجع ادوشكم تاااني ههههه بس طبعا قلت اتحايل ع الموقف وادخل افكركم بيا لعاد تنسوني ونرجع نتعرف من جديد هههه
نبدأ بسم الله
لو عندك سمك مشوي فاض لفيه ودخليه الفريزر ولما تحتاجيه طلعيه ولمايفك عشان تسخنيه كويس وما ينشفش منك سخني شويه ميه صغيرين مع معلقه توابل وفص توم وعصره ليمونه ورشيهم ع السمك ودخليه تحت الشوايه هايسخن تمام التمام ومش هاينشف منك وهايرجع كانك شواياه دلوقتي
♥♥♥♥
فكره لذيذه للقرنبيط هاتيه فصصيه واسلقيه كويس مع ملح وتوابل واعملي سلطه طحينه عاديه واغمسيه فيها ودخليه تحت الشوايه ودوقي احلي قربيط
♥♥♥♥
افكار لذيذه للحجه كوسه
دي ياجماعه كوسه مسلوقه نصف سلقه مع ملح وتوابل وحطيت ع الوش شرايح الجبنه الشيدر اللي بتتباع مربعات متغلفه دي ودخلتها تحت الشوايه
عيالك هايحبوها بإذن الله
♥♥♥♥
وممكن كمان نعملها شرايح ونقلبها في الخلطه وهي عياره عن دقيق ونشا وتوم مفروم وبيضه واعشاب اللي عندك شبت او كزبره او… ونقليها
♥♥♥
وممكن كمان نديها صدمه هههه ايوه يعني هانعملها شرايح وندهنها يادوب زيت ذره واسخن طاسه تيفال حلوه كده وانزل بالكوسه اديها صدمه علي كل جنب لما تلون اكبس عليها غطا دقيقتين بس تعرق ورشه ملح وتوابل وبالهنا
♥♥♥
فكره سهله ومغذيه للتساالي
حمص شام مسلوق بعدين صفيه من الميه ودحرجيه في طاسه سخنه لما يتلسع خفيف
اللسعه ديه بتتديه طعم جديد مختلف ورشه ملح وشطه كمان لو عاوزه
حبيباتي زي ماتفقنا بفضل الله كل ما نكمل 15 جزء بنعملهم تلخيص في صفحه واحده والمشاركات الجايه بإذن الله فيها تلخيص الاجزاء من 29 الي 16
ده رابط الجزء ال15 وفيه تلخيص للاجزاء اللي قبله
https://fatakat.univanet.com/#5459380
بحبكم في الله واسألكم الدعاء بالشفاء وصلاح الحال ودخول الجنه لي ولكم
مواضيع هذا القسم برعاية
sabrein sabrein 399849_15.gif برنسيسة فتكات Fatakat 399849 في ارض الله – في ارض الله