صباح الخير عليكوا يا قمرات
وانا قاعدة سهرانة كدة وطبعا جعانة موت لاني ما اكلتش حاجة من وقت الغداء
عمالة افكر اكل ايه ايه؟؟
عايزة اكل حاجة تفتح النفس اكتر مهي مفتوحة وفي نفس الوقت تكون سهلة
دخلت المطبخ وفتحت الثلاجة وطلعت شوية حاجات وعملت الافتكاسة بتاعتي
يلا نشوف
المقادير
زي ما انتوا شايفين رغيف عيش
وفلفل وطماطم وزيتون وخيار مخلل كله متقطع
ومعلقة صلصة مدوبة في شوية مية وحاطة عليها كمون وملح وريحان
ولانشون وجبنة الجبنة اللي انا استخدمتها اسمها قشقوان هي زي الجبنة الجودة بالظبط
ممكن تستخدموا بدالها جبنة رومي او شيدر او اي نوع مفضل ليكي
ندخل بقي علي
الطريقة
بجيب رغيف العيش وافتحه وافرد فيه الصلصة
وبعدين اجيب اللانشون وافرده هو كمان
وفوقيه الجبنة
وفي الاخر الخضار
ونلف الرغيف في ورق فويل
وعلي طول علي الفرن
ونسيبه في الفرن لحد ما الجبنة تسيح كويس وطلعيه بقي وكلي احلي ساندوتش
بجد يا بنات كان جميل جدا وسهل وسريع اوي
مستنية رايكم
ولو عجبتكم الافتكاسة قيموا
يلا سلام يا قمرات
شوفوا التصوير ممل فاضية بقي وسهرانة
مواضيع هذا القسم برعاية
(Lara) (Lara) 265722_27.gif فتكات غالية قوي Fatakat 265722 الرياض – السعودية