السلام عليكم
ازيكم يا احلى فتوكات
النهارده جيبالكم احلى اكله بعشقها جدااااا وطبعا كلنا كده والكل عارف ان طعم الجمبري بقشره احلى بكتيييييييييييير من الجمبرى المخلى وخصوصا الصوص اللى بيبقى معاه خراااااااافى هاااا جوعتو ولا لسه
اختى كانت طالبه منى الطريقه بالصور لانها مش بتعرف تطلع كيس الرمل من غير ما تقشره قلت يبقى اورى الفتوكات حبايبى كمان وكالعاده الصور دى عندى بقالها شهور والكسل هو اللى كان مانعنى رغاااايه انا
كفايه ويلى ع الشغل
نبتدى بسم الله
وصورة تشويقيه
الاول عايزه اقول انى من الصعيد يعنى الجمبرى بيبقى مجمد وافكه ف ميه جاريه وبعدين اجى عند الراس وافتح بالسكينه اول عقلتين من القشره كده
وهلاقى ظهر كيس الرمل اللى ع الضهر اسحبه بشويش علشان ميطقتعش منى كده
وبعد ما اخلص الكميه كلها اغسلهم تانى بميه وخل واسيبهم يتصفو كده واحط بقى كمون ولمون وكام فص توم وملح واسيبهم ع الاقل نص ساعه
ف طاسه كبيره او حله بحط الزبده والزيت او سمن براحتك انا بحب الزبده ومعاها بصل مقطع جوليان يدوب يسخن ويدبل حاج بسيطه واحط توم مفروم ويدبل بردو مش عايزه لونه يغيروبحط معاهم ورقة لورى و رشةجنزبيل
وبعدين احط الجمبري واسيبه من غير تقليب خاااااااااااااالص
هنا بدا لونه يغير ويبقى اورانج جميل بغطيه ف المرحله دى واسيبه ع نار متوسطه
بعد 5 دقايق
هنا هضيف الطماطم والفلفل المكعبات ومش بقلب خاص انا بشيل الحله واقلبهم كلهم من غير ما احط معلقه خالص واقفل عليهم 5 دقايق كمان
كده خلاص تقريبا استوى وهو مش بياخد اكتر من 10 دقايق لربع ساعه ع النار بتظبطى ملحك وبهاراتك وخلاص انا كنت مهديه النار خالص ف المرحله الاخيره انتى ممكن قبل ما تضيفى الطماطم والفلفل تحطي كله ف بايركس وعليهم الطماطم ويكمل سواه ف الفرن
شايفين بقى الجمااااااااااااال وخصوصا الصوص بيبقى تحففففففففه
الزر البسمتى غسلته ونقعته ف ميه وملح
وحطيت الزيت ف الحله وشوحت بصله واخدت جزء من السي فود اللى ف الكيس لانه كان 500 جرام يعنى كتير ع الشوربه طبعا بعد ما غسلته بميه وخل وسيبته يتصفى قلبته مع البصله بعد ما دبلت ونزل ميته وشربها وبعدين الرز والتوابل والكركم
وشربته وسيبته يستوى واحلى طبق رز بالسي فود اهو
دى السي فود اللى استعملتها صورة الكيس من برا اهى
نيجى بقى للشوربه
نشوح بصله ف حتة زبده ويدوب تدبل ننزل بالتوم يدبل بس ومعاه ورق لورى وجنزبيل بردو
وبعدين احط السي فود واشوحه لحد ما ينزل ميته ويشربها احطله توابل السمك والملح والفلفل وبعدين احط كوبايتين ميه مغليه كده
واسيبه 10 دقايق وبعدين احط كوباية كريمه لبانى
وبعد غلوتين هيبقى جااهز احلى طبق شوربة سي فود
يارب الموضوع يعجبكم ويفيد حد محتاجه
انا تعبت فعلا ف تحميل الصور ويهمنى تقيمي الموضوع حتى لو مش هتردى
وياسلام بقى لو دعوه حلوه يبقى كتر خيرك
ف امان الله مواضيع هذا القسم برعاية
البت سماسم البت سماسم 138186_11.gif سوبر فتكات Fatakat 138186 قلب الدنيا – الدنيا