السلام عليكم
أحب أقولكم أختكم ملهاش فى الطبيخ و لا نيلة
بس دخلت هنا علشان اتعلم و نفذت أكلات كتير 90٪ كانت منها ناجحة
و النهاردة عملت وصفة من أحد المواقع أخدت منى حوالى 10 – 15 دقيقة و طعمها حلو جدااااااا جدااا .. جربتها بنفسى و أحلى ما فيها سهولتها و بساطتها
المقادير:
علبة تونة مصفاة من الزيت
ملح و فلفل
شطة بودر (اختيارى)
1 مكعب مرقة دجاج
طماطم مقطعة مكعبات صغيرة
1/2 بصلة مفرومة
مكرونة مسلوقة
2 معلقة طعام مايونيز
جبنة موتزاريلا مبشورة
زيت زيتون أو زيت عادى للقلى
بقسماط
الطريقة
نسلق المكرونة عادى جدا بس بلاش نضيف لها ملح
و فى طاسة آخرى: هنجيب معلقتين الزيت و نقدحهم و نضع عليهم البصل المفروم إلى أن يذبل و نضيف الطماطم و نخلطهم جيدا على النار و نضيف لهم مكعب مرقة الدجاج و ملح و فلفل وشطة و لكن قللى الملح لأن التونة مملحة و كذلك مكعب المرقة كمان فيه ملح .. ثم نضيف التونة لخليط البصل و الطماطم و نقلبهم جيدا مع بعض
فى طبق منفصل: نضع معلقتين المايونيز مع الجبنة الموتزاريلا المبشورة و نخلطهم جيدا و يمكن إضافة معلقة قشطة أيضا (أنا لم أضيفها)
نجيب بقى الوعاء بتاعنا : هنحط المكرونة المسلوقة كأول طبقة ثم نفرد فوقها خليط التونة ثم نضع فوقها خليط الموتزاريلا و المايونيز ثم نرش طبقة خفيفة من البقسماط و بعدين نحطها تحت شواية الفرن لمدة 10 دقائق حتى يحمر البقسماط و بالهنا و الشفا
و الله يا بنات طلعت حلوة أوى و مش بتاخد وقت خالص و سهلة جدا
و دة شكل المكرونة بعد مرور عدة دقائق تحت الشواية
مواضيع هذا القسم برعاية
deep_ocean deep_ocean سوبر فتكات Fatakat 1067026 cairo – egypt