السلام عليكم ورحمه الله وبركاته ..
ازيكوا يا رشيقات المستقبل
ايوه طبعا رشيقات ان شاء الله كله بالاراده بييجي بس نشد حيلنا ونفضل مع بعض
بصوا بقي باختصار كده قبل ما ادخل في المهم ..
انا وصلت وزن 59 كيلو في يوم من الايام بالاراده القويه وفضلت محافظه علي جسمي مده طويله وبعمل رياضه دايما وكله تمام ..
الحمد لله علي كل شئ انا زدت اوووووووووووي بسبب ادويه الحمل والكورتيزون
وحصلي حمل 3 مرات ومفيش نصيب الحمد لله علي قضاء ربنا
فقررت اريح جسمي من الادويه واخلص جسمي من الكورتيزون ..
وقولت لنفسي لازم ارجع اخس تاني وتكون في نفس الوقت فتره نقاهه ليا من موضوع الحمل والعلاجات والتوتر النفسي وقررت الاتي :
اولا :انتظم علي ريجيم كويس وفي كل العناصر الغذائيه
ثانيا : اعمل جلسات تخسيس موضعي علي اماكن الدهون الصعبه
ثالثا :
ركبت ابر صينيه في اذني وقلت اجرب ولحد دلوقتي نفسي مسدوده اووي
رابعا : باخد علاج يساعدني ويعلي الحرق من الشاي الاخضر
خامسا : بشرب اعشاب من الشمر والبردقوش و الشاي الاخضر بتساعد في تنزيل المياه اللي حبسها الكورتيزون ويا مسهل
سادسا : رياضه كل يوم نصف ساعه ومعاهم تمارين خفيفه لاي مكان محتاجين ننسق شكله
طبعا يا فتوكات انا هشرحلكم بالتفصيل وبالصور بس بشرط ان احنا نفضل مع بعض ونشجع بعض وننزل مع بعض يعني من الاخر نكون مع بعض بصفه يوميه ..
سمعاكي يالي بتقولي اخلصي حاضر انا هدخل في المهم اهو ..
انا رحت لدكتوره الريجيم وادتني نظام والاهم انها قالتلي لازم اكل كل ساعتين تقريبا لان حرقي ضعيف اوي .. ودي نقطه مهمه اوي لكل اصحاب الحرق الضعيف
واليكم الريجيم بتفاصيله
طبعا اكيد في حاجات مش واضحه اللي عايزني اوضحله اي حاجه يقول متكسفوش يا حبايبي كلنا لها
بس اهم الملحوظات في النظام
شرب 2 كوب ماء وطبق سلطه صغير او اى مكونات السلطه قبل الوجبه الاساسيه بنصف ساعه الالتزام بمواعيد ثابته للوجبات يعني الفطار الساعه 10 صباحا والعشاء كذلك 10 مساءا اما الغذاء بين 3 الي 5 نصف ساعه يوميا رياضه
اكل الفاكهه بين الوجبات بشرط ان تكون قبل او بعد الوجبه بساعتين وقبل النوم ندهن منطقه البطن بجلسرين وزيت زيتون لتفادي علامات تمدد الجلد وده بالنسبه للريجيم تماموز باللوز كده
طبعا انا عن نفسي بحاول اساعد نفسي علي اد ما اقدر فباخد علاج يساعدني علي الحرق وطبعا كل واحد وظروفه زي ده
وبستخدم السكر ده باي كميه
والدكتوره ادتني شاي اعشاب مكون من البردقوش والشمر والشاي الاخضر
بس ماشاء الله طعمه حنضل حتي بالسكر بس هي قالتلي كويس اوي علشان ينزل المياه المحبوسه
ودي النشره بتاعته علشان تعرفوا غلاوتكوا عندي
في الاخر اهم حاجه العزيمه والاراده والصبر
واكيد هتكون النتيجه النجاح والوصول للهدف
ربنا معانا كلنا ويارب نوصل لاهدافنا
ونشجع بعض باذن الله
بس طلبي بقي التقييم لاني تعبت اوي والنور قطع عليا وثابرت وكملت لاجل عيونكوا الحلوين 
ادعولي اخس بصحه وعافيه علشان ارجع اتعالج تاني وكمان غير الامراض الصحيه اللي مبهدلاني وخصوصا الغضروف
ادعولي اخس بصحه وعافيه وادعولي بالذريه الصالحه وادعولي بالشفاء العاجل من جميع الاسقام
واللي عايزه اى استفسار انا تحت امركوا اختكوا خبره 10 سنين ريجيم
المهم كل واحده تدخل تقول هي كام كيلو وطولها اد ايه وهتبدا معانا ولا لا
اسيبكم في حفظ الله ورعايته
Om Malek Isa Om Malek Isa 1179838_3.gif فتكات نشيطة Fatakat 1179838 القاهره – مصر