السلام عليكم ورحمة الله وبركاته فتوكاتي حبايبي طبعا اللي مونسيني علي طول انا قررت اني اعمل النهاردة تطبيقي للاصابع الفراخ المقرمشة بس مش الحارة عشان جوزي ويارا بنتي وده تطبيقي من العضوة فريدة في كل شئ طبعا انا اول مرة اجربها بس في حاجة كانت ناقصة هي استخدمت بقسماط خشن وده الاحسن علي فكرة بس انا مكنش عندي فاستخدمت الناعم بس طعمها كان رهيب والله وجوزي وبنتي حبوها جدا الحمد لله ندخل عالمقادير بقي
المقادير
اكيلو بانية مفروم
2 بصلة متوسطة (ملحوظة فريدة كانت كاتبة فص توم انا مبحبش التوم مع الفراخ خالص لانو بيقلب زي السمك وده الطعم اللي بلاقيه بره عشان كدا مابنجبهومش )
معلقتين نشا كبار
ملح وفلفل اسمر
حباية بطاطس كبيرة مسلوقة ومهروسة خالص زي البيوريه
وانا بحط النشا لاقيتني حطيت سحلب ههههههههههههههههه اه والله بس لحقت نفسي علي طول ودي شكل المقادير
بعد الفرم بقي هنقلبها كلها مع بعضها لحد اما تبقي عجينة عاملة مع بعضها
وبعدين الكمية دي طلعت معايا كتير قوي فقسمتها لو عيلتك كبيرة ماشاء الله يبقي اعمليها كلها انا عملت حولي معايا كيلو نص فقسمتهم لان انا وجوزي وبنتي بس
هتجيبي صينية مستطيلة اللي حجمها وسط مابين الكبيرة والصغيرة وتفردي فيها كيس وتجيبي العجينة دي وتببللي ايدك وتفردي العجينة في الصينية وتغطي العجينة بكيس بردو ونحطها في الفريز لحد ما تتجمد
هنطلعها بعدها تفك خمس دقايق هتلاقيها مجمدة بردة بس تطلعيها من الصينية وتقطعيها وهيه مجمدة هتفك بسيط خالص من التلج حاولي بسرعة عشان لازم تبقي مجمدة بس وتجيبي البيض والدقيق والبقسماط ووتحطي اللي بتقطعيه في الدقيق وبعدين البيض وبعدين البقسماط وعالتلاجة عدل في الرق بتاع التبريد عشان تمسك بعضها بعد كدا بقي تخرجيها تتحمر بعدها بساعتين كدا بس انا اسفة المراحل دي كنت عاوزة اصورها بس ده موبايل جوزي وكان في الشغل الصور اللي فوق قبل ماينزل الصبح ودي بقي اللي فضل من ها وباذن الله الحبة اللي شيلتهم في الفريز هصورهم وانا بعمل خطوة خطوة وتكون البقسماط الخشن معايا وارجو التقيم بس لرفع روحي المعدنية ربنا يكرمك يارب مواضيع هذا القسم برعاية
oka22 oka22 368150_3.gif فتكات متميزة Fatakat 368150 القاهرة – مصر
سبحان الله و بحمده