السلام عليكم يااحلي فتوكات
والله انا اتعلمت منكم كتير جدا ودي اول مرة انزل وصفة علي قدي كدة بالله محدش يتريق علشان هي بسيطة
بما اني في الصحرا ههههههههههه حكيت الحكاية دي الف مرة
وبصراحة كنت عوزة قشطة وطبعا معنديش حتي وش اللبن لان كل الل هنا مبستر
قعدت اجرب وصفات كتير وفي الاخر نجحت الحمد لله فجريت جري اقولكو
انا جربت في كمية صغيرة جبت كباية لبن وغليتها علي النار واول مابدات تغلي عصرت عليها 3 نقط ليمون بسسسسسسسسس
اللبن هيبدا يتخثر ويطلع منة قشطة
طبعا هتصفي اللبن الل معدش لبن خلاص وتاخدي القشطة في طبق وبعد شوية هتلاقيها جمدت وبقت قشطة تخيلي؟ ههههههههههه
بس كدة اهي حاجة علي قدي
ادعولي بالذرية الصالحة
بحبكم في الله
بعد اذنكم ياقمرات انا هعمل اضافة بسيطة ردا علي كل الل قال ان دي جبنة انا جبت القشطة الل طلعت دي وحطيتها في التلاجة شوية مسكت فحبيت اعمل افتكاسة تانية والله ماشفتها في اي مكان دي فكرة جتلي كدة حطيت عليها شوية لبن ساقع مش كتير معلقة كدة وسبتها في التلاجة لما شربتة وبقت طرية شوية بس مرجعتش لبن بعد كدة حطيتها في بولة غويطة ودوبت فيها معلقة صغيرة ممسوحة نشا وحطيت مكعب تلج وقعدت ضرتها بالمضرب اليدوي لغاية ما اشتكت مني لقيت الخليط بقي عامل زي الكريم شانتية السايل ممكن تحطية في التلاجة او في الفريزر لو مستعجلة وبقي كدة عندك كريمة خفق تقدري تحطي عليها سكر تبقي كريم شانتية او تسيبيها كدة وتستعمليها كريمة خفق في الاكلات ودي افتكاسة تانية يارب تعجبكو يعني تقدري تستعمليها قشطة وممكن تحطي عليها قشطة جاهزة وهتبقي طرية وطعمها حلو وبخيرة كدة او تحوليها كريمة خفق زي ما قولتلكو بس كدة يارب تعجبكو مواضيع هذا القسم برعاية
polar.star polar.star 551360_1.gif فتكات هايلة Fatakat 551360 المنصورة – مصر
سبحان الله و بحمده