السلام عليكم
صباح الخير على كل الفتوكات
منورينى ياقمرات
بصوا بقي انا بقالى شهرين ونص تقريبا دايخة مابين الرجيمات
من كيميائي 12يوم
لكميائي اللبن والتمر
للسعرات
للقيمات
وايام بقيت افكر انى معتش هاعمل رجيم تانى وارجع اكل زى الاول
انا قبل كل ده كنت 85 (الطول 163)
حاليا وصلتل77 بس طبعا قليل جدا لانه انا اتبهدلت كيميائ الحرق عندى بطئ اوى اوى
وعمالة محتارة بين الرجيم وساعات اركز على الرياضة اوى واكل عادى
وجربت الصيام العكسي وحاجات كتير
غير انه معدتى بقت معمل تجارب لاى وصفة او اعشاب كنت احدف على طول لحد اما جالى التهاب فى المثانة من كتر الزنجبل اللى كنت بشربه وغيره
بس المعلومة الواحدة للى طلعت بيها من كل العك ده انه رجيم اللقيمات انا كنت التزمت فيه اسبوعين نزلت كيلو واحد انما كنت مرتاحة عليه خالص
ربنا يجازيها خير
نسوووووووم هى اللى عرفتهولى واحدة واحدة
ومن بعده كل ماحاول اعك تانى حاسة انه معدتى صغرت خلاص مهما الخبط مبيبقاش اوفر واى
وكنت مرتاحة عليه جت الفترة اللى فاتت دى بناتى الاتنين تعبوا تعب جامد جامد فخرفت بقي على الاخر
مرة اكل طول اليوم
ومرة افضل طول النهار على قهوة وسندوتش مثلا
وغير كدة لو فكرت اعمل كيميائي تانى احس انه انا هبطانة جدا واعصابي بتترعش جدا
واحس انه انا معدتى من جوه كدة فيها رعشة
حد فاهمنى يابنات
وفوق كل ده انه الارادة بح
بس الاسبوعين اللى التزمت فيهم لقيمات بدا يبان عليا جدا حتى عن الكيميائي طبعا مش الوش الجسم نفسه
يعنى سورى يعنى الجناب شوية خفت
فاللقيمات ده ميزته انه الجرام اللى بتنزليه يبان انك خاسة اكتر لانه بيبقي دهون وبس
لانك لما بتاكلى كل ساعتين او تلاتة
بتشغلى الحرق وده يعتبر احسن نظام للى حرقهم بطئ كدة زىى
وبعدين مبتحسيش انك جوعتى خلال الساعتين اللى بين كل لقيمة
اانا ان شاء الله يارب ناوية كدة
دايت ورياضة ورياضة ودايت
واهم حاجة الصبر الصبر الصبر
فلو حد يحب يتابع معايا ونشجع بعض يلا بقي نبدا
اشرحلكم اللقيمات بالتفصيل و
واحمل كم التمارين اللى نعملهم او اللى عنده اجهزة
او حتى احملكم زومبا
عايز حد يشجعنى
يلانتشجع مع بعض
اللى تحب تشترك معايا اهلا
وانا هاجهز شرح بسيط للقيمات من مجهودى ومن تجربتى يعنى هيبقي كلام بسيط مش انشائي اللى تحب تتابع
فى رعاية الله
جوزى وبناتى هما حياتى جوزى وبناتى هما حياتى 634537_16.gif فتكات ست الكل Fatakat 634537 الدور التانى ملحوظة:كنا فى الدور الرابع بس عشان السلم ومفيش اسانسير عزلنا للدور التانى☺ – مصر