كيفكن صبايا
ان شالله تكونو بخير …
اليوم اجا عبالي اكول بطاطس مسلوقة (احنا منسميها بطاااطا ) مع البيض المقلي ..
بس كنت مكسلة اسلق البطاطا .. لانو اقصر مدة سلق اقل شي تلت ساعة .. صح ؟
المهم ..
طريقتي في السلق للبنات اصحاب المايكرووووووووويف حصرا ..
ومارح تاخد معك الا 10 دقايق بالضبط ..
هيدا الموضوع حصري ع النت كلوووووووو لاني عملت سيرش بالعربي و الانجليزي و مالقيت حدا كاتبا ..
والطريقة بتفيد في جميع الاوقات لجميع الكميات والمناسبات هههه …
انا عندي ثقة كبيرة بأنو كل وحدة رح تفوت تقييم الموضوع ممتاز و تدعيلي دعوة حلوة متلها (:
يللاااااااااا نبلش سوا … ولاتنسو تنتبهو على ملاحظاتي (:
بسم الله ..
اول شي بنجيب كيس نايلون نضيف ونتأكد انو مو منزوع او مخروم من تحت …
(للبنات يلي عم يقولو انو الكيس غير صحي ..بشكركن و بقول انو هيي مرة وحدة او مرتين يلي رح تعملي فيها بطاطس مسلوقة
مش كل يوم رح تاكليها .. فما في مشكلة لو عملتيها وقت الزنئة او لما تكوني تعبانة و جاي عبالك اكله حلوة ..واكيد الطبيعي احلى .. وانا حبيت فيدكن بطريقتي .. )
نعبي فيه شوية مي .. يعني يادوب ربع كاسة ..
يارب تكون الصورة موضحة هالشي و المي شفافة مارح تبين (:
بعدين بنحط البطاطس فيه (انا عملت وحدة بس مشان الدرس ) ..
ونسكر الكيس بهيدي الطريقة ..
طبعا نحط الكيس جوا صحن بايركس او اي صحن الو حواف قابل للوضع بالمايكروويف ..
انا حطيتو جوا صحن البايركس وع الميكرووووووويف علطووووووول ..
( قولو للكيس بااااااااي .. لانو مارح يبقى كيس هههههههه عم امزح لاتخافو مارح يصيرلو شي )
نشغل المايكروويف على 10 دقايق و اعلى درجة حرارة ..
طبعا مع مرور الوقت رح تلاحظي من باب المايكروويف انو الكيس عم ينفش لان المي عم تتبخر او بالاحرى
عم تغلللللللللللي ..
شوفو معي ..
باقي خمس دقايق (:
الاهم انو ماتفتحي باب المايكروويف الا بعد ماتخلص ال10 دقايق مشان مايهبط الكيس ويطلع البخار يلي
جواتو .. لانو متل مابتعرفو انو حرارة المايكروويف مؤقتة (:
هلألألأ بعد مايخلصو ال10 دقايق .. بتطالعي الصحن و بتراعي انو تكوني لابسة فقازات بئيدك او اي شي يمنع الحرارة
لانو الصحن رح يكون سخخخخخن و الكيس كمان
استني دقيقة وحدة على مايبرد الكيس و افتحيه .. (مالحقت صور هالخطوة لانو ئيدي التسعت )
بعدين طالعي البطاطس من الكيس رح تلاحظي انو القشرة مجعدة وماسكة حالها ..
بمعنى انك مارح تلاقي القشرة متقشرة متل لمابتغلي البطاطا بالمي ع النار ..
ليكني بلشت قشر البطاطس (: (استني عليها شوي لانو رح تكون سخخخخنة كتتتتتتتير )
اخييييييرا هرستها … شوفو معي … (صلو ع النبي )
طبعا انهرست معي بسهولة ..
ولاني كنت جوعانة للاسف الشديد مالحقت صورلكن الاكلة يلي عملتها … هههههههه
(ملاحظة :في بنات قالو ممكن تفرئع البطاطس جوا الماييركوويف زي مابيفرئع البيض انا بقلك لن تفرئع ابدا و البيض المسلوق المتقشر كفاية عليه 15ثانية تسخين ومش هيفرئع معاكي )
هيدا الموضوع اهداء لمدونة فتكات و لزميلاتي في حملة لا للتقييم السيء
يلي بيحب يتعرف او يشترك بالحملة يزور هيدا اللينك :
الصحبه الطيبه الساعيه للخير☚عضوات حملة لا للتقييم السيء☛ بسم الله☝ نبدأ الجزء السادس
https://fatakat.univanet.com/#2574595
لاتواخذوني اذا كانت الصور كبيرة شوي ماعرفت طريقة تصغيرها ..
لاتنسو التقييم و الدعوة الحلوة
وصحتين و هنا مواضيع هذا القسم برعاية
الحقيقة ستظهر الحقيقة ستظهر 568095_3.gif سوبر فتكات Fatakat 568095 القمر ايضا – القمر