السلام عليكم ورحمه الله وبركاته
الحمدلله انا استفدت كتييييييييييييييييير جدا من المدونة هنا يافتوكات فى كل حاجه وبالذات قسم الطبخ وماشاء الله على الشيفات الى هنا وفوا فى كل حاجه صراحه
طبعا فتوكه هاتقولى هو ده السر لا طبعا بس علشان استفدت لازم افيد بقى
الاسرار بقى دى حاجات عرفتهامن على النت وحاجات اخدتها من فتوكات قمرات هنا جزاهم الله كل خير علشان كده يارب يكون موضوعى مفيد لاى فتوكه زى كده فى سنه اولى طبخ وتدعيلى دعوه حلوه
اول حاجه نصايح كده عامه
حاولى تغسلى ايدك كويس اوى بعد تقطيع اللحوم النيه قبل ماتمسكى الخضار تقطعيه
خلى عندك قطاعتين واحده للحمه وواحده للخضار والفاكهه والعيش
طبعا نظافه الفوط وغسلها انا مش هاجى حاجه فى مواضيع الفتوكات عن نظافه المطبخ
نصيحه اخيره ابعدى السكاكين عن ايد الاطفال اصل بنتى بتعملها كتيرربنا يستر
الاسرار بقى يارغايه 00000000 حاضر
عاوزين الحلويات الشرقى يبقى طعمها كأنها معمولة بسمنة بلدى صافى الشربات بتاع الحلويات لما تعمليه وتطفي حطي معلقه سمنه بلدي دى عن تجربه بتفرق جامد فى الطعم
عاوزين تحتفظوا بالخيار أو الشبت والبقدوس او الجرجير لمدة طويلة فى التلاجه
فوطه قطن مبلوله ومعصورة كويس جدااااااااااا جداااااااااااااا ونلف الخضار بعد اما يتغسل وينتشف كويس فى الفوطة
هيفضل طازه مدة طويلة
لما تحطى الملح على الرز المفلفل بعد ما تقلبيه فى
السمن أو الزيت شوية بيكون طعمه احلى من لو حطيتى الملح على المية وكمان بيمنع التصاق الرز ببعضه
لو عاوزه تظبطى ملح المخلل كل كوباية ماء لها معلقةاكل كبيرة ملح ومعلقة صغيرة خل
لو اى أكل شاط أو اتحرق منك تعملى ايه ؟ تنقليه فى حلة تانيه بسرعه وتحطى على وشه رغيف عيش ناشف هايمص كل الريحه ولا من شاف ولا من درى بس لازم يتنقل حله تانيه وكمان حاولى ماتجرفيش من الحله اوى
طبعا زى ما احنا عارفين انه الصلصة عمرها ما بتكون أبداً زى عصير الطماطم فى الطعم طيب لو مستعجله وعاوزه تستعملى صلصة وتديكى نفس الطعم أقولك دوبى معلقتين لبن مع كمية الصلصة
وصفات كتير جدا بنحتاج فيها السمن المقدوح زى الكحك و القرص المصريه وغيرها كتير اوى .طيب ياترى ايه السبب لقدح السمن فى الوصفات دى ؟
تسويه الدقيق من سخونه السمن وتحميصه
اطاله العمر الافتراضى للكحك والقرص على عكس البسكوت أو الانواع التانيه من القرص
اعرف ازاى انه السمن اتقدح كويس ؟
لو السمن كان مقدوح جدا واتحرق وعجنتى بيه
لون العجينه هايكون مش حلو -طعمها سىء ويسبب حرقان وحموضه بعد اكلها عن تجربه وكانت قرص وزعلت عليها اوى
لو السمن كان لسه نىء ومش مقدوح كويس
طعم الدقيق هايكون نىء فى العجينه وطعمها النهائى مش حلو وهاتفسد بسرعه جدااا برده عملتها وباظ منى بعد اقل من 10 ايام
طيب والحل انك تتاكدى ان السمن قدح مش انحرق ولا لسه نى طيب ازاى
ضعى مقدار السمن فى وعاء ومعه قطعه خبز شامى وابداى سخنى السمن على نار متوسطه حتى لا يحترق السمن بسرعه
انتظرى الى ان تحمر قطعه الخبز جيدا …انشليها من السمن ….بكدة يبقى السمن اتقدح كويس
اضيفيه بسرعه على الدقيق وقلبى من كل الجهات(بملعقه خشب….حتى لا يسود لون العجينه) واتاكدى ان كل الدقيق اتشرب السمن
ده بالضبط الى قريته على النت وفعلا الحمد لله قدرت من ساعتها اميز ان السمن قدح مش اتحرق
لو هاتعملى أى معجنات بالقرفه يفضل عدم اضفه القرفه للعجين لان القرفه بتنشف العجين جدا
يفضل استخدامها كحشوة او ترش على الوجه او بين الطبقات
ماتستخدميش أكثر من 3 أنواع من الأعشاب والبهارات في الطبق الواحد، إلا إذا حددت الوصفة غير كده.
نيجى بقى لحاجات طبقتها لفتوكات وكانت روعه
السلطه الخضرا للجميله سنوات الضياع2التتبيله الى بتعملها للسلطه تخلى السلطه تتلحس من حلاوتها
بتفرمى فصين توم وملح ونص كوب ماء وعصير لمونه ومعلقه خل وكل ده على بعضه وتحطيه فى التلاجه يجى ساعه كده وبعدين تقطعى السلطه بالخضار الى عاوزاه وتحطى عليها الخلطه دى جامده
عجينه العشر دقايق لشيف لطيفه فى غنى عن التعريف وكمان ينفع تعملى منها الفينو والكيزر
لما تعملى كبسه حطى قرنين شطه يا سلام كده فوق وش الرز وكمان محشى الكرنب قطعى فلفل او شطه خضرا فى قعر الحله وادعيلى
الزبادى فى المعجنات بيدى طرواه جميله اوى
حطى معلقه خل مع اخر بيضه فى عجينه بلح الشام بتديله قرمشه
وكمان فى الكيك ضيفى معلقه خل جميل برده
اه كنت هنسى رز الحمام الى بنحشى بيه حطى عليه معلقه نعناع ناشف جمييييييل دى افتكاسه الفتوكه القمر ام الفراشه
بلاش الصلصه الجاهزه فى المحشى اعصرى طماطم طازه وادعيلى
الموضوع ده بقى تحفه جزاها خير صاحبته
https://fatakat.univanet.com/#3853446
كده الحمدلله انا خلصت واذا افتكرت حاجه تانى هاجى اقولها
عاوزه دعوه حلوه بقى والتقييم ياقمرات بقالى ساعه ونص عماله اكتب بس مايجيش حاجه فى الى استفدته منكم يااحلى فتوكات سلااااااااام
مواضيع هذا القسم برعاية
حنينه الجميله حنينه الجميله فتكات رائعة Fatakat 1041082 القصيم-بريده – مصر