ازيكو يا احلي صحبه
انا مش هاكتب اي وصفه في الموضوع دا لان انتو كلكو اللي هاتشاركوني فيه
طبعا هاتقولو ايه الرخاااااااااااامه دي بس اقري الموضوع للاخر بليييييييييييييز
المحشي وما ادراك ما المحشي طبعا كلنا عارفين انو الاكله الاولي في مصر والطبق الرئيسي في معظم عزوماتنا واول يوم رمضان لازم يكون محشي وعشي العروسه لازم يكون محشي طبعا جنب اللحوم التانيه و
نادرا ما تلاقي حد مابيحبش المحشي صح ولا ايييييييه
وما بيتكسرش الرجيم الا يوم المحشي
وكل محافظه في مصر ليها طريقه في طبخ المحشي لا وايه يمكن كل بيت له طريقته
دا بما اني خبيره في المحشي
لاكن الاساسيات موحده عند الجميع زي
التسبيك
الخضره
الارز
سلق الكرنب
تقوير الكوسه والبازنجان
سلق ورق العنب
وكل واحده فينا ليها تكاتها اللي بتخلي الطعم الز
طب ليه مش نتشارك مع بعض الاسرار علشان نتعلم من بعض ونعمل احلي محشي في الدنيا
وانا اول اللي هايكشف بعض الاسرار
ا
بضيف مرقه الدجاج علي الطماطم وقت السوي وبفرم معاها حبه فلفل احمر بيديلها طعم واااااااو
البهارات اللي بتخلي الطعم جنان ومش بتغير طعم الطبخه هي
الفلفل الاسود
الكمون
الكسبره الناشفه
ملح الاجينو موتو او معزز النكهات
في بعض الناس بتزود قرفه ورق لاوري وهيل مطحون بس بحس انو بقي كبسه مش محشي هههههههههههههه مش بقولكو خبيره
في ناس بتعاني من البازنجان المحشي انه بيجلد منهم هاقولك تعملي ايه
بعد التقوير نغلي ميه بملح ونزل فيها البتنجان ونقلبه 5 دقايق بس ونشيله عمره ما هيجلد منك
ورق العنب لما تعصري عليه لمون وقت السوي وتكبسي الحله بطبق بيكون احلي
وانا عارفه ان فيه ستات كتير اشطر مني بمرااحل بس يلا اللي عندها فكره بتعملها تقول عليها بسرعه وما تبخلش علينا بخبرتها لان في ناس والله ما بتعرف تتصرف يوم المحشي دا وبيكون يوم ما يعلم بيه الا ربنا وانا كنت واحده منهم بس الحمد لله اتعلمت مواضيع هذا القسم برعاية
سوبر لولى سوبر لولى images/flowersavatars/avatar0014.jpg فتكات هايلة Fatakat 871819 بلقاس – مصر
سبحان الله و بحمده