السلام عليكم ورحمة الله وبركاته
كل سنة وانتو طيبين وعلي الخير يارب متجمعين
انا جبت امبارح شوية حاجات وفرزتها استعدادا للشهر الكريم اللهم بلغنا رمضان يارب واعنا فيه ع الصيام والقيام
ط§ظ„ط¨ط³ظ„ط©
انا فصصتها غسلتها كويس وسيبتها تتصفى وتنشف م الماية وبعدين قطعت عليها الجزر وكيستها وشيلتها ف الفريزر ودة صورتها وهي متفرزة
القلقاس
قشرتة ومسحته بفوطة ناشفة كويس قوى وقطعته مكعبات وعبيته ف اكياس علي قد الطبخه وشيلته ولما باجى اطبخة بطلعة متفرز وع الشوربة السخنة علي طول
والسلق بتاعة قطعتة هو و البكسبرة وغسلتهم كويس وتخرطيهم بالمخرطة او ف الكبة الاتنين واحد وحطيته فى علبة التلاجة وشيلته ولما باجى استخدمها بسيبها تفك شوية واخد الكمية اللى انا محتاجاها واحمر التوم وانزل السلق علية لحد ما يتحمر واطش بية القلقاس
السبانخ
نضفتها كويس وغسلتها كزا مرة وسيبتها تتصفى من الماية وبعدين قطعتها وقطعت معاها ط§ظ„ظƒط³ط¨ط±ط© بتاعتها وعبيتها ف اكياس وع الفريزر
المجنووووونة
اكيد طبعا كلكوا عارفينها ماهي مجنونة ومجننانا معاها امبارح لقيت الراجل بيبعها بتلاته جنية قلت لا تعالي بقي يا حلوة اما استفرس بيكى واخبيكى ف الفريزر غسلتها كويس وقطعتها وسيبتها تتسبك ف حلة ع البوتجاز وبعد مابردت حطتها ف اكياس وشيلتها وساعات بضربها ف الخلاط الاول واصفيهاوبعدين بسبكها بس كان عندى كزا حاجة فمكانش عندى وقت
ولاقيت الخضرة حلوة ف السوق جبت كمية نضفتها وغسلتها كويس وقطعتها وشيلتها بتنفعني ف المحاشى والممبار وبتوفرلي وقت جبت شبت وكسبرة وبقدونس
ورق العنب حبيب الملايين طبعا جبت كمية وشطفتة كويس وسيبته يتصفى وبعدين لفيته فى ورق جايد او تحطيه ف الكيس زى ما هو مفرود وتشيليه ف الفريزر لما بطلعة اعملة باخدة ع المايه السخنه اسلقه عادى وبعدين الفة بيبقي كانك لسة جايباه طازة شوفى شكله كمان
التوووووم
بجيب كمية كبيرة لاستخدام السنة كلها وبفرمه ف الكبة مع شوية ملح واحطة فى برطمانات واشيلة ف الفريزر من السنه للسنه ولما بطلعة مبيكونش مجمد علشان الملح وبيفضل لونه ابيض زى ماهو ماشاء الله وريحتة كانه لسة طازة بصراحة بيوفرلي وقت وعل طول بيكون موجود عندى
مش عايزة منكو غير دعوة حلة بصلاح الحال وسعة الرزق وان ربنا يشفي زوجى ويشفي كل مريض ياااارب
وربنا يبلغنا كلنا رمضان علي خير يارب العالمين مواضيع هذا القسم برعاية
ام عمر ومنة الله احمد ام عمر ومنة الله احمد 692666_5.gif فتكات رائعة Fatakat 692666 الجيزة – مصر