السلام عليكم ورحمه الله وبركاته
انا جيه اكتب موضوع يمكن يهم معظم النساء والحوامل وحتى البنات ربنا يجعله في ميزان حسناتي وحسنات كل اللى هايردو عليه..
انا كنت مريت بتجربه فقدت ابني في الشهر التامن والدكتور قالى مفيش اى سبب للوفاه وانه شاكك انه يكون حصله هبوط مفاجئ في الدوره الدمويه بتاعته والحمد لله اللهم اجرني في مصيبتي واخلفني خيرا منها اللهم لا اعتراض بس كنت حبه اعرف اسباب موت الجنين في الشهورالاخيره عشان لو حصل مني اى تقصير او اى شيئ خطا اتجنبه الحمل اللى بعده وكمان لاني لاحظت الموضوع ده انه انتشر اوي خصوصا انه نادر جدا ان الجنين يتوفي في الاخر كده بعد ماكتمل وقرب ينزل لان فرصه الحياه بتكون كبيره لو اتولد انا قريت كتير بعد مامريت بالتجربه الفظيعه دي ربنا مايكتبها ابدا على حد احساس صعب ان اروح اولد طفل متوفي واخرج من المستشفي بدون ابني وبدال مالناس تيجي تبارك تيجي تواسي حتي انا ماشفتش ابني اتولد واتاخد يتدفن بدون حتي ماشوف شكله ايه ربنا يصبرني ويصبر كل ام فقدت نور عينها .. المهم لقيت بعض الاسباب ياريت اللى يعرف اى اسباب اخرى يكتبها عشان يفيد الناس وتكون وقايه لاي ست حامل انها تاخد بالها ويارب كلنا ربنا يعوضنا خير ويرزقنا الذريه السليمه ويبعد عنا عيون الحاسدي الحاقدن الهم امين ..
الإملاص: هو موت الجنين بعد 20 أسبوعاً من الحمل أوعندما يزن أكثر من 400 غرام، وهذا ما يحدث لامرأة من كل 160 في الولايات المتحدة الأميركية حيث هناك 26000 حالة سنوياً، وفقاً للدراسة التي نشرت الثلاثاء في مجلة الجمعية الطبية الأميركية. يقول الدكتور بوب سيلفر، اختصاصي طب الأم والجنين وأستاذ في كلية الحقوق بجامعة يوتاه: "عند فقدان الجنين في وقت متقدم من الحمل، يكون التأثير شديداً على الوالدين الذين يضعون اللوم على أنفسهم"، مضيفاً "انه أمر مدمر عاطفياً للعائلات". "هذا الجزء منقول والله اعلم"
اسباب وفاه الجنين في الشهور الاخيره:
1-إلتفاف الحبل السري حول رقبة الجنين أو رجله بسبب حركته وهذا لا يمكن السيطرة عليه.
2-وجود تسمم حمل يعني ارتفاعا في ضغط الدم وزلال في البول
3-وجود تشوهات خلقية في الجنين وهذه نعمة من الله.
4-فقر دم حاد.
5-نقص كمية الأكسجين المحملة في الدم إلى الجنين
6-إصابة الحامل بمرض السكري.
7-إصابة الحامل بأمراض القلب.
8-إنفصال المشيمة.
9-إنخفاض ضغط الدم
-10تجلط دم الحامل.
11-التهابات مزمنة في الحوض (التهاب المجاري البولية – التهابات الجهاز التناسلي – نزول المياه التي تحمل جنين (الأميوني).
12-عدم توافق بين دم الأم والزوج. (RH) يعني أن الأم سالب والطفل موجب ولم تأخذ حقنة (AntiD) بالولادة السابقة.
13- الولاده المتاخره عندما تتم الولاده نهايه الشهر التاسع او بعد الشهر التاسع
رجااااااااااااااااااء بالله عليكن اللى تعرف اى اسباب اخرى او عاشت نفس التجربه تحكيها وتفيدنا واللى ماتعرفش تدعي ان شاله بظاهر الغيب ليه ربنا يعوضني عن ابني خير ويجعله شفيع لي ولوالده ويكون سبب في دخولنا الجنه ويرزقني بالذريه الصالحه السليمه يارب عاجلا غير اجل
وجزاكن الله كل خير
semsema flower semsema flower 564289_1.gif فتكات هايلة Fatakat 564289 cairo – Egypt