السلام عليكم ورحمة الله وبركاته
لسه مانزلتش مصر واتسالت حامل ولالا
كنت بكلم سلفتي هيا متجوزه معايا في نفس اليوم ماشاء الله معاها ريتاج فساتني عملت ايه عند الدكتوره وكده قلتلها زي كل شهر قالتلي خلاص
مش تزعلي هاتنزلك عن بنتي وانا اجيب غيرها هيا كانت بتقولها وبتهزر بس انا مسكت نفسي بالعافيه وكتمت العياط عشان مش تحس
اخت مكلمتنيش من فتره لما عرفت انها موجوده عندهم قولت لسلفتي ادهاني اكلمها
اول حاجه سالتها ليا هاتنزلي امته وانتي حامل ولالا اكيد سالت مامتها وعارف اني مش حامل ليه بتسالني
وليه الدكاتره بيفضلوا يوهموا فينا والشهر ده هايحصل وبقيتي كويسه ليه
انا خايفه والله انزل مصر عشان عارفه ان كله بيحشر نفسه في الي ملوش فيه
كان نفسي انزل مصر وانا حامل بس ربنا مااردش اعمل ايه بايدي مش بايدي زنبي ايه انا
ادعولي ان ربنا يرزقني ياريت ويرزق كل مشتاقه بالزريه الصالحه
وانا اسفه اني شيلتكوا همي
بيوتي ياسمينا بيوتي ياسمينا 725479_2.gif فتكات هايلة Fatakat 725479 الدمام – السعوديه