ازيكم يا احلى فتوكات فى الدنيا
انا لسه متعلمة طبخ من 3 سنين وزهقت من الطبخ كل يوم عاوزة افرز واوفر الوقت عشان صعب انى اطبخ كل يوم مع وجود أطفال
اول جزء : تخزين شوية حاجات فى الفريزر
ناوية ان شاء الله اخزن شوية حاجات اتعلمتها هنا منكم واول مرة اعملها ممكن تجاوبونى على شوية اسئلة
انا كل طلبى تقولولى اللى هعمله ده صح ولا غلط وصلحولى ااخطائى عشان هعمل كميات ومش عاوزة حاجة تبوظ منى
اولا : القلقاس :-
1- معنديش طريقة سهلة لغسله اللى عندها تقولى ؟
بعد مقشره واغسله واقطعه صغير هغليه فى ميه بملح ولمون ودقيق عشان ميسودش نص سوى واطلعه اصفيه ولما يبرد اعبيه فى اكياس
طبعا ده مش هينفع اسقطه فميه ساقعة عشان ميشربش ميه او يتهرى ؟!
السلق بتاعه سهل هعمله كاملا اكنى هسويه دلوقتى واعبيه فعلب زبادى
ثانيا : الخضاار :-الفاصوليا الخضرا والجزر
هل اقطعه واسلقه بميه وملح نص سوى بس وبعدين فميه بتلج واصفيه وفى الفريزر وهل انشفه ولا كفاية تصفية المصفى بس
وهل اعصر عليه لمونه عشان ميسودش ولا ايه ؟
ثالثا : صلصة الطماطم :-
هحطها فى ميه مغليه وبعدين اقشرها واعصرها فى الخلاط واحطها فى حلة على النار لحد متتسبك
بس عملت كده زمان واتحرقت منى بقت ريحتها حريقة اوى معرفش الغلطة فين ؟ولا احط زيت !
رابعا : الثوم المفروم :-
هل بس اقشره وافرمه واحطه فى اكياس ؟ من غير ولا ملح ولا زيت ولا ايه .؟
وازاى اخليه ريحته متطلعش بره الكيس وتكرفلى كل حاجة فى الفرير ؟!!!
خامسا : البصل المفروم :-
هقشره وافرمه واشوحه بزيت بس لونه يدبل ميغيرش لونه صح ؟؟
سادساا : البطاطس المحمرة :-
هقشرها واقطعها صوابع وفميه وملح وخل واحمرها نص تحميره فى الزيت وبعد كده على مناديل ولما تبرد فى اكياس على الفريزر صح ؟
ياريت تقولولى كده صح ولا غلط عشان دى الخطوات اللى هطبقا بحذافيرها مواضيع هذا القسم برعاية
جنة يويو جنة يويو فتكات رائعة Fatakat 758958 القاهرة – مصر