ازيكوا يا قمرات انا امبارح جت على بالى فكره وانا بعمل المكرونه وافتكرت اول مره اعمل مكرونه وطلعت ايه معجنه وجميله وطبعا كنت فى نص هدومى . نص بس لا ده من غير هدوم خالص فقررت انى اساعد الفتوكات اللى لسه بيقولوا يا هادى
فى حاجات اساسيه وبسيطه الواحد بيفتكرها بسيطه وساعه الجد بنضرب لخمه
نبدأ بالمكرون مادام هى اللى شجعتنى شوفى يا قمرايه لما تسلقى المكرونه لازم تكونى جايبه حله كبيره وفيها ميا كتير متوفريش خليكى كريمه وبحبحى المهم نسيبها تغلى ونحط عليها الزيت والملح واهم حاجه نقلبها اول ما نحطها ومنسيبهاش تستوى ع الاخر هو ده اللى بيعجن المكرونه سيبيها تقطم معاكى وبعدين حطيها فى مصفى واشطفيها من مياه الحنفيه كويس وحطى معاها فى المصفى شويه زيت وقلبيها براحه وسيبيها تبرد خالص يعنى اسلقيها بدرى و حطيها على الصلصه او لو عايزاها بيضا بس متشطفيش تانى قبل ما تحطيها ع الصلصه حتى لو جامده معاكى مش مهم متقلقيش هتفك فى الصلصه
والصلصه بتاعتى عباره عن طماطم فى الخلاط واحطها على الزيت ومعلقتين صلصه ونص راس توم مفروم نحطهم على الطماطم اول ما تغلى ومتنسيش الملح والفلفل ولو عايزه حطى شطه
ويارب اكون افدتكوا ولو الموضوع عجبكم قيموا ونكمل الوصفات للبنوتات ايه رأيكوا يا فتوكات
مواضيع هذا القسم برعاية
mareka elanteka mareka elanteka فتكات هايلة Fatakat 590378 الجيزه – مصر