يلا نجدد للرجاله اللي زي جوزي ما بتكلش حاجه غير البطاطس والمحشي ومكرونه وملوخيه
المقادير:
كبده طبعا
فلفل الوان ولو عايزه حراق حطي
بصله كبيره
طماطميه من عير الميه والبذر
ملح وكمون وفلفل اسمر
كوب ونص ارز بسمتي وجزره مبشوره
الطريقه:
نقطع الكبده شرائح طويله ورفيعه ونشوحها بشوية زيت في الحله اللي هعمل فيها الارز
ونقطع الخضار(البصل والفلفل والطماطم)ونحطهم فيطاسه سخنه من غير زيت مع الملح والفلفل الاسمر والكمون ونقلبهم بس يخدوا ريحة الشوي وننزل بالكبده عليهم
ونقلب شويه ونطفي عشان الكبده ما تشدش في الاكل بس يدوب يدبل الخضار
وبعدين نجيب الجزره المبشوره مع شوية زيت في الحله ونقلبها لحد ما يدبل الجزر ونغسل الارز ونحطه علي الجزر وطبعا شوية ملح صغيرين عشان الكبده عليها ملح وحطي الميه وسوي الارز
التقديم:
حطي الكبده علي الارز بعد ما يستوي وقلبيهم واغرفيهم في طبق التقديم
وبالهنا مواضيع هذا القسم برعاية
رقيه حبيبتي رقيه حبيبتي فتكات هايلة Fatakat 387782 بنها – مصر
سبحان الله و بحمده