انا بجد نفسى تساعدونى اتخلص من الموضوع ده انا من ست سنين كنت مسافرة انا وماما واخويا فى اجازة اخر العام فسحة يوم كده والوقت عدى جميل اوى واحنا راجعين ركبنا ميكروباص 14 راكب (مع العلم انا طول عمرى بحب اقعد جنب الشباك وافتحه والهواء يدخل) فجاة وانا قاعده بعد حوالى 15 دقيقة حسيت انى مش عارفة اتنفس كأن الهواء كتم نفسى لانه كان جامد شويه وحسيت ان روحى بتتسحب منى لدرجة انى معرفتش اتكلم واقول لماما تقفل الشباك شاورتلها من كتر ما انا مش قادرة وبعد مقفلته هديت ومن يوميها كل متيجى سيرة سفر ابقى مرعوبة واقول مش مسافرة وتحصل مشكلة ولو سافرت ابقى مضطربة واول ماركب اقفل الشباك وممكن نتاخروا فى الرجوع لحد منلاقى اتوبيس مكيف عشان تبقى الشبابيك مقفولة (ده بيحصلى فى الصيف او الشتاء وفى اى مواصلة )وحاولت كذا مرة انى افتح الشباك مفيش فايدة ارجوكم نفسى اتخلص من المشكلة دى لانى حاسة انى محبوسة اكيد اى حد نفسه يسافر رحلة.مصيف . فسحة او حتى شغل حاسة ان حياتى واقفة ياريت تبعتوا الموضوع لاى دكتور نفسى ضرورى
ديمانو ديمانو فتكات هايلة Fatakat 184199 الاسكندرية – مصر
سبحان الله و بحمده