السلام عليكم ورحمة الله وبركاته
أنا جاتلي الزايدة وانا حامل في الشهر الثاني تحديدا في الأسبوع التاسع
أصعب تجربة ممكن حد يمر بيها
لأن كمان انا حملت عن طريق الحقن المجهري
وفجأة موضوع الزايدة ده جه وكانت ملتهبة ومتضخمة
احساس صعب أوي وانتي عارفة انك داخلة وجنينك هيحصله يا إجهاض يا تشوهات
لأني لسه في الشهور الأولي في مرحلة التكوين والبنج في ضرر وكمان الانقباضات الناتجة عن الألم ممكن تطرد الجنين وتعمل اجهاض
كل الدكاترة اللي شافوني قالوا في خطورة سواء اجهاض أ تشوهات في الجنين
وأنا بس مستنية أعرف أتحرك وأروح أكشف نسا وأشوف موضوع الحمل لسه مستمر ولا لأ
حد يعرف حد مر بالتجربة دي قبل كده؟
أرجوكم ادعولي
أنا في كرب شديد ربنا وحده عالم بيا
ربنا يطمنكم على حملكم وأولادكم ولا يسؤكم في أي حد فيهم يا رب
ظني في ربي جميل ظني في ربي جميل 371078_1.gif فتكات نشيطة Fatakat 371078 6 أكتوبر – مصر