السلام عليكم ورحمة الله وبركاته
اليوم نقدم لكم يبنات الهريسة الليبيه من الفلفل بارد وقشرته غليظه ولكن لا يأس مع الحياة الا ناكلوا هريستنا
نغسلوا الفلفل وهما روس قبل مانفتحهم
نشقهم بالموس ونشيلوا منهم الزريعه اللي بالداخل
انملحهم و نخليهم يسقطروا يعني يصفوا اميتهم بعد امتصاص الملح حوالي 4 ساعات او ليله عادي وهنا طريقتين للتصفيه بالصور وحدهبالصفاي والتانيه بكيس البصل بعد غسله
نرفعهم وننشرهم في الشمس لمده 24 ساعه او اكتر علي حسب انت ماتشوفي جفافه وكيف تحبيها ناشفه او لا
انا هنا بسبب الوضع الزمني نشرتهم في دار وفتحت عليهم الشبابيك الطقس لايسمح بالخروج
يتم رحيها في الماكينه مفرمة اللحم مع التوم
وبعد الانتهاء من الكميه من التوم والفلفل نخلطهم بالكرويه المرحيه وكمون الحوت المرحي و الكسبر المرحي وتشوفوا الملح كلن حسب دوقه
وصحتين وهناء
بالنسبه اللي يعانوا نفس معاناتي من قله الفلفل الحار في الخارج الفلفل اللي عندي بارد مافيه اي حراره وقشرته غليظه فقررت نخليه حااااار
ناخد طنجره ونحطوا فيها زيت كميه واجده يعني تغطي نص اللي تحطيه من الفلفل المرحي ونحطوا عليها فلفل اللي رحيناه و الفلفل الاحمر البودره الحار وهدا اختياري
ونخلوها تغلي لحد ماتتخلص من الميه ويطفح الزيت فوق في الاول النار متوسطه مع التحريك مره مره وبعد ماتنقص الميه متاع الفلفل نخلي النار هاديه ونخليها 3 دقايق مع الزيت
ونرفعوها وبعد تبرد تحفظوها في الفريز صحا وهناء
التقييم يابنات
مواضيع هذا القسم برعاية
غنوه غصون غنوه غصون 215489_4.gif فتكات نشيطة Fatakat 215489 طرابلس – ليبيا