وحشتونى اوووى ياقمرات طبعا اانا واختى زهقنا من وقفت الفرن والعيش فاقولنا بقا نشغل دماغنا شويا ونبتدى بقا نعتمد ع نفسنا ونبتدى نعمل عيش وفعلا تمت التجربة بنجاح والحمد لله وبقينا بناكل عيش من عرق جبينا ماحدش بياكلها بالساهل وابتدينا المشوار اولا جبنا المكونات واللى هى طبعا :: 2 ونص كوب دقيق +3 معالق ردة او نخالة +ماء دافىء للعجن+معلقة خميرة بيرة +زرة ملح+معلقة سكر للخميرة وشية ماء دافءللخميرة…. ونبتدى بقا اولا نعمل الخميرة ونسيبها تخمر وبعدين نضيف الدقيق والردة وزرة الملح ونضيف الخميرة لما تخمر ونبتدى العجن وبعدين نسيب العجين يخمر حوالى ساعة بعد مايخمر ونلاقيه ارتفع نبتدى نقطعه كور الكمية دى هتدينا خمس ارغفة بس طبعا احناضاعفنا الكمية وبعدين نسيب الكور ترتاح حوالى ربع ساعة علشان تتفرد معانا ونبتدى بعد كدا نفردها وبعد مانفردها نرش ردة ع صينية او رخامة ونحط عليها العجين اللى فردناه ونغطيه ونسيبه يرتاح نص ساعة وهنلاحظ بعد النص ساعة انه[حجمه ارتفع زى كدا وبعدين نكون مسخنيين الفرن وياريت لو فيه شواية ونبتدى ندخل الفرن ودا شكله من داخل الفرن وهنا بقا بعد خروجه من الفرن وياريت التقييم يافتوكات علشان تشجعونى مواضيع هذا القسم برعاية
cuteegirl cuteegirl فتكات هايلة Fatakat 309381 اسكندرية – مصر
سبحان الله و بحمده