السلام عليكم ورحمة الله وبركاتة
طبعا عارفين طاجن البامية ميحلي الا باللحمة الضاني بس للاسف بيكون تقيل جدااا
فانا بحاول اخف اي دهون فيه
المقادير
كيس بامية مجففة
نص كيلو لحمة ضاني
طماطم معصورة ومصفاة
2 قرن فلفل (حسب الرغبة)
بصلة مفرومة
فصين توم مفرومين
اولا حطيت اللحمة تتسلق في حلة لوحدها
وفي حلة تانية بشوح البصلة في معلقة زيت زرة
واضيف اليها التوم واول ميحمر اصب الطماطم المعصورة عليهم
واضيف البامية وحوالي نص كوب شوربة من شوربة اللحمة الضاني
واسيبها تتسبك
وده شكلها بعد متسبكت تمام
اضيف الملح والفلفل
واقلبها في طاجن
وارص اللحمة عليها من فوق والفلفل
وادخلها الفرن حوالي نص ساعة
وده شكلها النهائي
اسفة علي التصوير بس اصلها سخنة جدااا والبخار معرفتش اصور منه
وطبعا مفيش برسنتيشن لان لسة زوجي مجاش يرضيكوا ناكلها من غيره
وعملت جنبها ملوخية خضرا
وطبعا ارز ولسة هقوم اعمل باذنجان مخلل
ومش هوصيكم دعواتكم الحلوة ربنا يباركلي في اولادي ويوسع رزق زوجي
وطبعا تقيماتكم الحلوة
مواضيع هذا القسم برعاية
امة الله ام يوسف امة الله ام يوسف 227927_5.gif فتكات غالية قوي Fatakat 227927 Mystery….that’s all – _