المقادير
كيلو سبيط متنضف ومتقع شرائح ومتصفى من الميه
بصلة حلوة كدة تملى العين متقطعة رفيع
3ثمرات طماطم متقطعين مكعبات
عدد من فصوص التوم حسب الرغبة مفروم
3وحدات فلفل بارد او حامى حسب الرغبة
كرفس وبقدونس متقطعين رفيع ومغسولين
بهارات سمك وملح وكمون وشطة
حوالى 3معالق زيت كبار
ها معايا يلا نكمل
الطريقة
نجيب حلة ونحط فيها الزيت على النار ولما يسخن ننزل بالبصل ونقلب فيه لما يبقى لونه ذهبى
ننزل بالسبيط ونقلب مع البصلة لحد ما ينزل ميته ويشربها حتلاحظه انه اتعمل دواير اول مينزل على النار بيكون شكله جميل علشان كدة قلت متقطع شرايح
خلاص شرب السبيط ميته انزل بالطماطم المتقطعة مكعبات واحط الملح والكمون والبهارات والشطة حسب الرغبةقبل ما تتسبك بشوية انزل بالفلفل والخضرة واقلبها تقلبتين واطفى النار اجيب الطاجن او الصنية الفيركس او صنية عادية ونحط السبيط فيها وندخلها الفرن لمدة ربع ساعة تكمل سواها ويحمر الوش
ها شمين الريحة تحفففففففففففة ههههههههههه
بعد كدة نحضر سرفيس ونقدمه ساخن والاكلة دى بيكون جنبها ارز ابيض وليه ابيض لان اى حاجة فيها طماطم بيبقى الرز الابيض فيها اطعم من الرز الصيادية بالبصل وسلطة خضرةوسلطة طحينةوبالهنا والشفا
الاكلة التانية طاجن الجمبرىنفس المقادير السابقة ونفس طريقة التسوية بالظبط بس اقل فى ا لوقت لانه مبيخدش وقت زى السبيط فى ناس بتحب تعمل الطريقة دى بجمبرى مقشر او بقشره حسب الرغبة
انا كدة عملت الى عليه وزيادة باقى اييييييييييييييه
ردودكم الحلوة وطلباتكم لو حد يحب يعرف اى صنف واخيرا التقييييييييييم
الى لقاء مع اكلة جديدة لذيذة من ام رودينا
مواضيع هذا القسم برعاية
نوره انور نوره انور فتكات حبوبة Fatakat 988921 القاهره – مصر