ازيكم يا احلى فتوكات
السلام عليكم ورحمة الله وبركاتة
الاول كدة
انا النهاردة جيبالكم طريقتى المتواضعة في عمايل الاندومى
بس للاسف مفيش تصوير لان الموضوع سهل خالص ومش محتاج تصوير
اولا احب اعرفكم حاجة ان في اندومى جديدة ضعف حجم الصغيرة وزيادة ربع جنية
يعنى الى يشتري بعد كدة يشترى الكبيرة اوفرلة
نخش بقي على المكونات الاول
اول حاجة كيسة الاندومى
تانى حاجة كوب ونص او كوب وربع على حب انتى بتحبيها بشوربة
ولا بتحبيها من غير
تالت حاجة بصلة
رابع حاجة اى بهارات عندك انتى بتحطيها على الاكل
خامس حاجة لمونة
سادس حاجة ودى على حسب رغبتك ممكن تستغنى عنها شوية بقدونس مقطعين
طبعا كلنا عارفين فوائد البقدونس في التخسيس ونضارة البشرة وفوائد كتير
علشان نحولها من وجبة غير مفيدة لوجبة مفيدة
الطريقة
اولا هنجيب البصلة ونقطعها شرائح رفيعة ونحمرها لحد ملونها يحمر زي بصل الكشري بالظبط
تانى حاجة نحط الكوباية ونص او وربع مية على النار تغلى وننزل عليها بالاندومى والبهارات
تالت حاجة نحط البصل على الاندومى ونقلب ونزلها من على النار
رابع حاجة نعصر اللمونة
خامس حاجة ترشي شوية البقدونس على وش الطبق
وكلي بقي وادعيلى بجد احلى طبقي اندومى هتكلية في حياتك
اصلا شتان بين الطعم دة والطعم من غير
جربوها والى تجرب تيجى تقولى رأيها
والى عندها طريقة تانية تقولى علشان انا بعشق حاجة اسمها اندومى
طلب اخير رجااااااااااااااااااااااااااااااااااااء الى هتدخل من غير مترد او تقيم تدعيلى
ان ربنا يصلح لي حالى ويهدينى يمكن ربنا يستجيب منها
والنهاردة يوم الجمعة وابواب السما مفتوحة
تانى حاجة خشو على الرابط الى في توقيعى
وربنا يارب يخليكم ليا ومتحرم منكم ابدا
الى يعجبها الموضوع تقيم ممكن من غير كسل
عارفاكم دبدوبين وبتكسلو بس والله
مش هتاخد منك اكتر من 30 ثانية حتى جربي كدة
روح يا موضوعى الاهى اشوفك متقيم ومتثبت ومتروق ومتدلع باحلى توقيعات من احلى فتوكات
والنبى منتو كسفنى مواضيع هذا القسم برعاية
a7lam_3omrenaa a7lam_3omrenaa سوبر فتكات Fatakat 401650 tanta – cairo
سبحان الله و بحمده