ازيكو يافاتوكات
انهارده هوريكوا غدايا كان فراخ ع الفحم طعمها خوراااااااااااافه
بسم الله
طبعا هنجيب الفرخه ونغسلها كويس ونقطعها وتحاولو تسلكوا اللحم من ع العضم شويه وتعملى شقوق بالطول فيها علشان تستوى كويس وتحاولى تفردى اللحم من غير ماتبهدلى اجزاء الفرخه
عصير بصل وعليه شوية خل وليمون
هنحط عليهم فلفل اسمر وجنزبيل بودره وكمون روز مارى مطحون جوزة الطيب وملح ممكن كارى لو عايزه وفص توم مدقوق
هنحط كمان صويا صوص ولو عندك كاتشب حطى بيخلو للفراخ طعم تانى
ده شكل المزيج هنحط كمان ايه زبديايه علشان تبقى طريه وجوسى
ادى الخلطه جاهزه نخش ع الفراخ
تحاولو تفردو اللحم كده انا مش عارفه اشرح بالكلام
تكسرو عظم الورك من عند المفاصل كده
تفتحوا اللحم عن العظم
حطيناها فى التتبيله ونبيتها فى التلاجه لتانى يوم
هنشترى كيلو فحم ب 4ج هيكفيكى شوى 3او4 مراتوتاخدى كام حته صغيره وتولعيهم النار ولما يولعو حطيهم ع الشوايه
اللى ماعندهاش شوايه زى دى تتصرف انا والله كنت بشولى فى حله المونيه قديمه واحط عليها الشبكه بتاعت فرن البوتجاز واشوى والشوايه دى مش غاليه ب حاجه و50ج ومعاها شبكة الشوى و6 اسياخ للكفته
هوى جامد 5 دقايق ع الفحم بورقه تخينه او كرتونه علشان يولع ويشبك فى بعضهوبعدين رصى الفراخ ع الشبكه واشوى
كل فتره كده هوى عليها شويه ولما تحمر اقلبيها ع الوش التانى
شوفو شكلها حلو ازاى تستاهل بوقوكوا
امممممممممم الريحه واااااااااااو
ادى بعد مااستوت شكلها يفتح النفس والله احلى من بتاعت بره بكتير
الصنيه دى للحلوه اللى هتقيملى علشان والله تعبت على مانزلته والنت تقيل ورقبتى وجعتنى اتفضلى بقه مدى ايدك وهاتى جوزك وعيالك معاكى
لو سمحتوا التقييييييييم مواضيع هذا القسم برعاية
فتوكه ستايل فتوكه ستايل فتكات رائعة Fatakat 654338 المنصورة – مصر