اهلا وسهلا بكل الفتوكات القمرات
انهارده جايبلكم الرقاق والفتة كمان لعيونكم ياحبيباتى
نبدء بسم الله الرحمن الرحيم
اولا : الرقاق
فى البداية كده هنعمل العساج الى هنحشى بيه الرقاق بتاعنا
المقادير :
* حوالى نصف كيلو لحم مفروم .
* بصله مبشورة .
* صلصة .
* توابل وملح .
* فلفل اخضر (اختيارى حسب الرغبة )
الطريقة :
– هنحمر البصلة بتاعتنا فى حتة زبدة ونضيف عليا حبة توابل
– ونحط اللحمة بتاعتا وعليا بقيت التوابل الى عندنا
– نحمر اللحمة المقرومة كويس
– ممكن نضيف الفلفل الاخضر قطع صغيرة ونقلب كويس
– ونضيف الصلصة وشوية ماية او عصير الطماطم يعنى الى موجود عندك
ونوطى النار عليها لحد ماتشرب الصلصة وكده يبقى عندك احلى عساج
وبعدين نجيب الرقاق
ده شكله وانا جايباه من السوق
1)نجيب شربة وننزل فيها رقاقه رقاقه عشان تتبلل وتبقى طرية
2) ندهن الصينية الى هنرص فيها الرقاق بالزبدة ونبدءنرص رقاقة رقاقة (نصف الكمية )
3) نضيف العساج بتاعنا ونروزعه كويس على كل الحواف والصينية باكملها
4) طبعا نرص باقى الرقاق بتاعنا
واهم خطوة بقى
* نجيب كباية لبن وبيضة ونضيفهم على بعض مع حبة توابل وذرة ملح
5) نضيف اللبن بالبيض على وش الرقاق بتاعنا ونميل الصينية كده فى كل الاتجاهات عشان اللبن يغطى الوش كله
6) نضيف حوالى كباية شربة وندخله فى الفرن
– كل حبة كده نبص على الرقاق فى الفرن لانه ممكن يحتاج شربة ولاحاجة
ودى شكل الصينية بعد ماطلعت من الفرن
ثانيا : الفتة .
طبعا الفتة ممكن تتعمل بالرقاق
لكن انا هعملها بعيش متحمص .(كل ما يفيض عندى عيش احمصه فى الفرن واشيله عشان اعمل بيه فتة اصلى بمووووووووووت فيها هههههههههه)
* الفتة عندنا بتتكون من :
– عيش محمص
– ارز مطبوخ
– دمعة (صلصة مسبكة )
– توم
ببساطة شديدة هتعملى رز عادى بالطريقة الى تعجبك
وده الرز بتاعى
الدمعة : هتسبكى دمعة بس تضيفى توم مع البصلة وهى بتتحمر عشان تفحح كده وتديكى ريحة ملهاش حل
التوم : طبعا هو سر جمال الفتة ممكن تضيفيه زى ماتحبى :
– طبعا مع الدمعة
– ممكن تحمريها وتضيفها على وش الفتة
– ممكن تحمريها وتضيفها على الشربة الى هتحطيها فى الفتة
انا زوجى مش بيحبها على وش الفتة عشان كده هضيفها فى الدمعة وفى الشربة كمان
نيجى بقى بعد الرغى ده كله نرص الفتة
1) نجيب العيش
ونكسره قطع حسب الحاجة
ونحط عليه شربة ونقلبه كويس
ونحط عليه شوية رز ونقلبه
وبعدين نضيف علية الرز بتاعنا بقى ونضيف الدمعة بتاعتنا الجميلة
وده شكل الفتة النهائى
وطبعا ممكن تعملى الفتة طبقات زى ماتحبى
كده النهارده عملنا رقاق
وفتة
وده طبق لكل الى هتدخل تشجعنى وتقيييييييم (اهم حااااااااااااجة )
ربنا يخليكوا ليا
بحبكم فى الله كثييييييييييييييييرا
لاتنسوا التقيييييييييييييييييييييييييييييييييييييييم
مواضيع هذا القسم برعاية
شوماء شوماء 184664_3.gif فتكات ست الكل Fatakat 184664 الطائف – السعودية