السلام عليكم ورحمة الله وبركاته
بعد ما لفيت كتير كل شوية أتابع عند دكتورة شكل،،رحت مستشفى حسبو الدولي اللي في مدينة نصر،،
لاقيت دكتورة حلوة كده وأمورة اسمها نسرين أول يوم ليها في مصر يوم ما رحتلها،،قاستلي الضغط والحرارة والوزن وعملت سونار وشافت حجم البيبي وكله تمام..
ولما قلتلها إني بدخل دورة المياه كتير وأنا لسه في أول الخامس قالتلي احتمال يكون التهاب مثانة وخلتني أعمل تحليل عشان نعرف.
وطبعا في الأول سألتني أنا بشتكي من ايه الفترة دي وركزتلي على الكالسيوم عشان عظام البيبي دي فترة نموها،،كانت ظريفة وفاهمة شغلها أو ده اللي أنا حسيته.
المفروض إني هتابع معاها وأولد معاها وهي مش بتولد غير في مستشفى حسبو..
احكولي خبرتكم مع المستشفى نظافتها والاهتمام فيها والرعاية بالأم والجنين لأني لاقيت مواضيع بتتكلم عن المستشفى لكن من غير تفاعل كبير.
ياريت تشاركوني وتفيدوني يا فتوكات
reEem reEem 90265_1.gif فتكات متميزة Fatakat 90265 القاهرة – مصر
سبحان الله و بحمده