السلام عليكم ورحمة الله
ده تكملة لموضوعي الي كنت نزلته,,
علامات بتحذر كل ام:من وجود خطر على الجنين او عليها..
تابعوا معايا,وربنا يعافينا جميعا و ادعوا من قلبكم وليا معاكم:ان ربنا يرزقنا ذرية صالحة وكل مشتاقة,ويكرمنا بساعة سهلة,وطفل معافى صالح وجميل/اللهم امين
علامات الخطر هي:
.انتفاخ وتورم:الوجه,الاصابع او القدمين:اياكي تهملي
ممك1ن يكون علامة تسمم حمل,
ويستدعي متابعة بقياس الضغط,ونسبة الزلال في البول
2.نزيف مهبلي:
ممكن يكون علامة اجهاض منذر,او حمل خارج الرحم,او انفصال في المشيمة:او المشيمة ساقطة:زي ما بيسوها العامة
يستدعي سونار فورا
3.صداع شديد:
ايضا مثل النقطة رقم 1
4.زغللة في الرؤية:نفس الكلام
5.مغص شديد(ومش باتكلم عن وجع خفيف زي الدورة)!!
علامة اجهاض منذر,او حمل خارج الرحم,او ولادة مبكرة
6.قئ( مستمر)!!
مش باتكلم عن القئ الطبيعي الي في حدود المعقول!!
7.ارتفاع درجة الحرارة وتشنجات:
وللعلم:ارتفاع درجة الحرارة في اوائل الحمل:ممكن يصيب جنينك بتشوهات خلقية لا قدر الله..
حرارتك لو 38 فما فوق:خدي باراسيتامول (مش اي خافض حرارة اخر مسموح)!!
8.نزول مية عليكي(قبل موعد الولادة)..
علامة خطر على الجنين,
9.الولادة المبكرة:طبعا خطر عالجنين,ولا قدر الله ممكن يموت:لان رئته مكتملتش او وزنه صغير
ودي علاماتها زي الولادة:ولازم تعرفيها(خصوصا لوكنتي مولدتيش قبل كده):لان ممكن تكوني في ولادة ,ومتعرفيش
ودي حصلت لزميلة ليا,و كانوا توام
علاماتها:نزول مخاط مشبح بدم:وهي مايعرف بسدة عنق الرحم
نزول مية مندفعة بكمية كبيرة:المية الي حول الجنين
مغص في اسفل البطن:اوعي تلخبطي وتفتكريها حركة عادي
وجع اسفل الظهر(طلق)
اهم شئ:الي تحصل لها:فورا تاخد حقنة ديكساميثازون وتكررها بعد 12 ساعة
لان الكورتيزون هيحسن من اكتمال الرئة,وتزيد باذن الله:فرصة بقاء الجنين حي
ومتنسونيش بقى من دعواتكم
ربنا يكرمنا جميعا يارب
Cute Emy Cute Emy images/avatars/orangeflower.gif سوبر فتكات Fatakat 139488 بيتنا – مصر