بصى يا مشرفة انا معرفتش اكتب التحذير ده فى قسم ايه معلش انقليه لو القسم مش مناسب
امبارح يبنات عملت كوسة مسلوقة مع تفاح وبطاطس وقلت اضربهم لبنتى الصغغنة وجيت اكلهالها لقيتها ارفانة كده افتكرتها لسة مش متقبلاها عادى زى اى حاجة بدوقهالها فا كل شوية اسيبها وبعدين احاول معاها تانى الاقيها بتفها ومجاش في بالى موضوع الكوسة ده وطبعا في الصيام مش دقتها وبعدين قلت جايز الميكس ده مش عاجبها واعدة بفكر استغلها فى ايه لانى مبحبش ارمى الاكل وبعدين جه في بالى ادوقها وفعلا خدت حتة على طرف لسانى وطبعا بتفها تانى واتمضمض اوعوا تفتكرونى فطرت لئيتها مرة صبر
بسسسسسس وانا بفر في الجوجل اكتشفت ان الكوسة المرة دى بتكون مسممة سبحان الله وكمان الحتت الخضرا اللى سعات بنلاقيها في البطاطس فلازم تتخلصي من اى جزء اخضر في البطاطس ومش تكسلى وكمان حاولى وانتى بتشترى كوسة تدوقي حتة من القلب عشان تتاكدى انها مش ممررة وربنا يحفظنا جميعا ويحفظلنا ولادنا
omabdelrahman83 omabdelrahman83 فتكات متميزة Fatakat 1130373 القاهرة – مصر
سبحان الله و بحمده