بسم الله الرحمن الرحيم
الله سبحانه وتعالي خلقنا في أحسن تقويم
تقوم تيجي بقي البنت او الست من هنا وتديها في الاكل ماشاء الله وكل ماتاكل نفسها تتفتح اكتر وفيه ناس كل ماتزعل تاكل وتاكل بكميات كبيرة لانها بتحس انها بمجرد ماتاكل بمجرد ماحتلهي نفسها وتطلع غيظها في الاكل طب بدل كل دا تعالي نغيرمن نظامنا بطريقة تانية ونستغل اوقات زعلنا بدل الاكل نقضيها في الاستغفار والتقرب من الله وممارسة الرياضة وعمل هوايات مفيدة ايوة ياكسلانة منك ليها
مجرد انك جيتي هنا يبقي دا حاجة من تلاتة يااما جاية تقري الموضوع وخلاص يااما محتاجة حد يشجعك هنا تبقي شاطرة وعندك ارادة ورغبة ********** انك تخسي وواحدة جاية تشوف اخرة الحملة دي ايه لكن معندهاش الارادة الكافية انها تخس بس جاية عشان نفسها تخس لكن معندهاش ارادة اولا برحب بيكم كلكم والهانم الي جاية تتفرج ومش راضية تخس حتيجي تخس برضه هههههههههههههههههههههههههههههه لانها حتشوف النشاط وحياتكم الي ان شاء الله حتتغير بالرياضة والجسم المثالي
بدل من الناس الكسلانة الي جسمها طخين وحركتها تقيلة وملهاش اي دور فعال
دي صورة من مساؤئ الاكل لو بتحبي الاكل ومتقدريش تستغني عنه فانا بقولك مبروك حيبقي شكلك كدة
لكن لو عندك ارادة وحتوقفي المهزلة الي انتي فيها فحيبقي شكلك كدة وبرضه حتاكلي احنا مش حنحرمك من الاكل وفي الاخر انتي الكسبانة لانك حتشغلي مخك وحتبرمجيه وحيبقي عندك نظام وحيبقي عندك شخصية قوية جذابة وحب للحياة وحتدي اشارة لدماغك ان عندك ارادة وانك امراة تعرفي تديري امورك وعندك هدف
زي مافيه مثل بيقول خير الكلام ماقل ودل حملتنا شعارها خير الاكل واقل وخف ومسمياها حملتنا بصيغة الجمع لاني دي حتتعمل بمشاركتكم كلكم وارادتكم
مبرووووووووووووووووووووووووووك مقدما دي صورتك
المطلوب تسجيل اسماء المشتركين هنا مع كتابة السن والوزن ومحدش يكتب وزن تاني ههههههههههههههههةعارفاكم
والطول
وحالتكم الصحية
وهل سبق لكي انك عملتي رجيم ولالا
ان شاء الله حتخسي وحتفرحي بنفسك بس حقولك معلومات مهمة قبل البدأ في البرنامج اولا مينفعش واحدة تقولي عايزة اخس 10كيلو في الاسبوع حقولها غلط لان التخسيس مرة واحدة بيضر بالجسم وسهل جدا بعد ماتوقفي الحملة انك تطخني اكتر من الاول النظام بتاعي حيعتمد علي التخسيس 2كيلو في الاسبوع تخسي بالتدريج احسن ماتخسي مرة واحدة
يلابينا نبدأ
خصصي وقت لنفسك يعني اصحي بدري عشان دا يكون وقت خاص بيكي اول ماتصحي من النوم حتفردي ايدك وتشبكي صوابع ايدك ببعض وترفعيها لفوق وتشدي جسمك التمرين دا مفين لشد عضلات الجسم
التمرين دا من حياخد وقت اول ماتصحي اعملي الحركة دي
بعدين اقفي في مكانك وامشي وانتي واقفة في مكانك استمري عليه لمدة دقيقتين
بعدين لمدة دقيقتين اقعدي في مكان هادي وحطي ايدك الاتنين علي بطنك وخدي نفس طويل واكتميه لمدة 4ثواني وبعدين طلعيه من انفك وفمك
كرري التمرين مع زيادة عدد مرات حبس النفس بدل 4ثواني يبقوا 5ثواني لحد ماتوصلي لعشرة خدي نفس طويل وطلعيه علي طول من غير ماتحبسيه
تروحي علي الحمام وتغسلي اسنانك الكلام دا ملوش علاقة بالتخسيس لكن ليه علاقة بالنفسية والصحة العامة
اول حاجة حتعمليها تشربي كوباية مية ولو قدرتي اشربي كوبايتيت مية وتعاليلي هنا روحي نضفي البيت اعملي اي حاجة بعيدة عن انك تاكلي الاكل حيكون بعد ساعة
الفطار : ممكن تاكلي طبق صغير فول وقطعة جبن صغيرة مش كبيرة وخبز اسمر وبيضة مسلوقة شايفة الفطار حلو ازاي
طيب اكيد مش كل الناس حتمشي علي الفطار دا نعمل ايه
حتبعدوا عن الاتي (النشويات كلوا خبز اسمر ورغيف واحد فقط وتشربوا لبن خالي الدسم ممنوع تاكلي مربي )
ممكن الفطار بتاعك يكون كورن فليكس فقط
والزبادي تكون زبادي اكتيفيا
وفيه زبادي اكتي لايت
تعاليلي هنا بقي وانتي بتاكلي ابلعي الطعم ببطء وامضغي الاكل كويس جدا مفيش حد بيجري وراكي وتاكلي لقمة صغيرة
خلصتي الفطار ممنوع تاكلي لمدة ساعتين
بعد مايعدي ساعتين ليكي مشروب من دول مسموحلك تشربيهم (الجنزبيل -الينسون – الالشمر -الكراوية النعناع -الشاي الاخضر)
نيجي بقي للرياضة وهي رياضة المشي من الخطر انك تبداي تمشي مدة طويلة مرة واحدة
المشي مفيد جدا للتخسيس وعامل مهم في حرق الدهون
المشي من 5-ل 10 دقائق بينشط الدورة الدموية فقط
والمشي من 15 – ل30 دقيقة بيقوي عضلات ومفاصل الجسم
والمشي اكتر من 35دقيقة هنا بقي بتبدا الدهون في الذوبان
www.صصص www.صصص ممنوعة من المشاركة Fatakat 778079 cairo – egypt