طبعا انا راشقة على المدونة هنا من ساعت اما اتخطبت وعملت عضوية وبصراحة بقيت لهلوبة اوى وشاطرة وماما كل يوم تبقولى انتى عرفتى كل ده منين والفضل يرجع لفتكات وكل فتوكة و قررة كل ما اجيب حاجة واعرف حاجة افيد فتوكاتى زى ما فدونى انا هقولكم خلاصة معرفتى عن الاجهزة الكهربائية بصوا انا نزلت اشترتهم يوم الجمعة الى فات مع انى لسة هجوز كمان سنة بس طبعا نظرا لحظى المدوحس انا وكل فتوكى هتجوزة الايام الى جاية الاجهزة عمالة تزيد وتتطلع محدش بيقولها راحة فين يا حجة وبحث ابحاثي الطويلة ونظرا ان انا وخطيبي رخمة جدا ومش بنجيب الحاجة الى لما تكون مية مية
أولا يا فتوكة منك ليها لازم تححدى مزنيتك ايه مينفعش تقولى عاوزة احسن تلاجة في السوق لان اكيد احسن تلاجة دى هتعملها 5000- 20 الف ومحدش يسألنى ليه 20 الف في تلاجة دحنا داخلين على ايام مجاعة هع هع هع وهيبقا استخدام التلاجات للنوم فيها فقط
فنا هكلم على احسن الانواع الى عرفتها من واقع الميزانية بتاعتى
اولا التلاجة
طبعا احسن الانواع في السوف هياتشي في رأى بلا منزاع
ال جى تحفةةةةةةة ومحدش بيختلف عليها تماما ومحدش بيتشكى منها
عيوب ال جى كنزة اوى بجد يعنى ال 18 قدم بتوعها قد مثلا 12 قدم من كريازى او تلاجة تانية ده عيبها الوحيد عشان تجبيها 18 وانتى طالعة وكمان 18 هتبقا صغيرة شوية
وايت ويل كلو بيشكر فيها برضوا وحلوة جداااااا
سامسونج هيا هيا ال جى على فكرة في التلاجات و الغسالات ونفس العيب برضوا الى في ال جى
التلاجات دى طبعا اسعارها عالية اوى الى سألت عليه وعارفة اخر سعر ليها ال جى 18 قدم هتلاقيها في رنج من 3900 -4100
هنيجى للتلاجات الى بعدهم في المستوى
توشيبا طبعا ممتازة وكلو بيشكر فيها عيوبها بقا ارففها بلاستك و بتكسر بسرعة وكنزة شوية برضوا بس هيا ممتازة
انا كنت ناوية اجيبها ال 14 قدم الى بيد مدورة دى كانت عاملة 2720 ولما نزلت اجبها لقتها شاحة من السوق خالص وسعرها رفع 2900 و كل التجار بقوا يشتكو من توشيبا ومجبتهاش في الاخر واحسن انى مجبتهاش
التوشيبا المستورد ده تحفةةةةةةةةةة بقا دى الى من 18 قدم وانت طالعة تلاجة وهم واحلى من ال جى ارفوفها بيركس وواسعة وجميلة اوى بس غالية جدا ال 18 قدم بتعمل 4400
زانوسي هتلاقي ناس تشكر فيها جدا وناس تشتكى منها من ان معارض كتير اوى بتقول انها احسن من توشيبا ومكونتها ايطالى وارفوفها بيركس ومكان للكنزات وبرضوا نفس الرنج 14 قدم ب 2900 وخطيبي كان هيا دى الى داخلة دماغو بس انا مكنتش مرتحلها مش عارفة ل يه
من العيوب الى فتوكات كانت بتشتكى منها صوتها العالى وبتسخن
الكتروستار عندنا في البيت بصراحة وشغالة زى الحمار مبتقولش لا بس بحسها مش تلاجة علاوسة ومتسألونيش ا زاى تلاجة عروسة هو كدا وخلاص
من التلاجات الى تبعدى عنها تمام ابو ايدك كريازززززززززززززززززى زمان كانت من احسن التلاجات دلوقتى من اردئ التلاجات ولسة جايبن من كان شهر الديب فريزر بحس ان بتوع الصيانة لازم اسبوعيا يزرونا في البيت وباظ من اول شهر اصلا وجم خدو الباب وصلحو ورجعوه تانى وباظ تانى حاجة قرف اوى
طبعا هتسألونى انتى جبتى ايه بقا في الاخر يعنى بعد ابحاثك دى كلها هقولكم انا مجبتش ولا واحدة في دول
طبعا لو معايا ممزانية حلوة كنت هجيب هياتشي او ال جى بس عاليين عاليا
وزى مقولتكم كنت ناويت على توشيبا بس انا كنت بشوف في بي تك تلاجة اسمها بيكو ومكتوب عليها تلاجة بصراحة محولتش اسأل عليها لانها مش معروفة اصلا مع ان بتاع بي تك رشحهالى وقالى خديها على ضمانتى بس ضمانتو ايه هو انا اعرفوا اصلا
المهم لما نزلت معرض القاهرة الدولى الى كلنا كنا لاجئين فيه ده لقيت بيكو عارضة هناك قولت اخد فكرة لان بتاع بي تك قالى خدى بوتجاز بيكو لان ده نفس مكونات ارستون بظبط وسعره كمان كام شهر هيضرب في العالى وانهم لسة بيعرفوا الناس بالمنتج فدخلت اتفرج انا وماما وخطيبي
وشوفت التلاجة الى 16 قدم وقعتتتتتت في غرامها
التلاجة واسعة اوى بجد ارفوفها بايركس الواد فضل يطنطط عليها اصلا الدرج الى تحت بيتفتح من الجنب و في مكان للادوية كدا في باب التلاجة وممكن تخلى الباب يفتح يمين او شمال و تكنلوجيا التلاجة نفسها زى ال جى بظبط واضاءة بقا وحركات
فضلت اعمل ابحاثي لقيت كل الى جابها بيشكر فيها اوى والى عاوز يجبها خايف من حوار الصيانة و قطع الغيار لانها لسة جديدة طبعا
الى عرفتو في حوار مراكز الصيانة ان ليهم في كل مكان و رقمهم الساخن 16165 قطع غيارهم هما الى بيوفلوهالك في خلال 48 ساعة لان شركتهم موجودة كمان هنا و واخد توكيلها احمد بهجت غنى عن التعريف
ضمانها 5 سنين
كل معارض عبد العزيز شكرت فيها جامد وقالت ان متوقعلها الكام شهر او السنة اىل جايين تبقا ال جى التانية في الاسم
وده برضوا كان رأى لان مش شيفاها تقل عن الى جى هو موضوع ان لسة منزلتش اعلانات او متشهرتش
ومتنسوش بقا حوار ان قطع الغيار مش هتبقا غالية اصلا ليه بقا لان احنا متبقة علينا اتفاقية مع تركيا ان مافيش جمارك فالحاجة هتجلنا تكلفة مصناعها عشان كدا جبتها لانى مقتنعة بيها تماما
ال 16 قدم ب 3100 420 لتر تعادل 20 قدم ال جى و اكبر من 14 قدم توشيبا بكتير لانهم بيقوا حوالى 360 لتر
عشان تعرفى التلاجة دى فعلا كام قدم تقسمى عدد الترات على 28 يعنى 420 / 28 + 15 قدم
حتى الاقدام مبقتش زى اقدام زمان يا جدعان حاجة غلب يعنى
ثانيا البوتجاز
زى ما قولتلم هيا موضوع ميزانية
احسن البوتجازات
1 – أرستون طبعا رقم وان
2 جليم جاز تحفة اوى
اسعارهم طبعا عالية اوى من 5 وانت طالعة
الى مستوى الى بعد كدا كأسعار
كريازى القديم بلا منازع بصراحة ملقتش حد بيعيب فيه كلو بيشكر فيه
عيبوبو مفهوش تكنلوجيا الى نازلة اليومين دول زى الفرن يطلع لوحدو المروحة شواية وفرن يشتغلوا مع بعض اشعال ذاتى للفرن كل ده
لاكن هو كبوتجاز وشعلة ونار وفرن تحفةةةةةةةةةةة حتى بتوع المعارض و عبد العزيز بيشكرو فيها اوى وبيقوا انو احسن بوتجاز في السوق والسحب عليه مش بيلحقو منو
فيه كريازى الكينج الى في تكنلوجيا الجديدة بقا بس محدش بيشكر فيه واحسن تجيبى يونيون تك اى كوك احسن منو لو نتى عاوزة الاماكنيات دى
يونيون تك اى كوك يا جماله يا جماله هتلاقيه ب 3100 5 شعلة في كل التكنلوجيا الى قولتها فوق وكلو بيشكر فيه
يونفرسال نازل منو مودلات كتير اوووووووى واسعارهم حلوة اوى اوى و فيهم امكانيات كتير من الجديدة بس هتلاقي ناس تشكر فيه وناس تقولك اووووووووعى يونفرسال فتحسي انو مجال شك او حظ
فريش نفس نظام يونفرسال بظبط مودلاتو كتير اشكالو تحفة و اسعارو حلوة بس برضوا مصدر شك حلو ووحش
بوتجاز المصانع الحربية ناس هتلاقولك بوتجاز العمر واحسن بوتجاز وناس قالت انو مبقاش زى زمان كنت اول واحد فكرت اجيبو بس بصراحة بعد ما شوفت شكلو قولت مش طابخة اصلا
البوتجازات البلت اين مش هتكلم عنها لان مسألتش عليها بصراحة بس هيا جامدة اوى وتكلفتها عالية بس هتوفرك مساحة حلوة اووووى في مطبخك لو معاكى اماكنية حلوة هاتى ارستون و فرن كويس
انا جبت طبعا كريازى القديم ب 2400 5 شعلة
الغسالات
عندك فوق و فول اتوماتيك كل واحد حسب ما متوعد في بيت اهلو انا عن نفسي بفضل الاتوماتيك
أفضل نوع بلا منازع ال جى
سامسونج ( زى ما قولتلكم ال جى وسامسونج نفس الحاجة بحسهم ماشين بمبدأ احمد حلمى كل نفسك قبل ما حد يكللك ونازلين بأسمين )
توشيبا برضوا ممتازى في الغسالات و سعرها حلو
ايديال
دول الى اعرفهم يفضل تجيبو فوق ال 7 كيلو او 7 كيلو
انا جبت سامسونج 7 كيلو بس كانت من مدة فمش عارفة سعرها دلوقتى
السخانات
المصانع الحربية هههههه لازم ترضي بالحقيقة المرة لانو فعلا احسن سخان ولو حصلوا حاجة ب 4 جنيه تظبطية
عيوبو شكلو عقيمممممممم وادهية ابقا حطى عليه ستارة هههههه
اوليمبك من احسن السخانات بجد
ارستون
يونفرسال ( هتلاقي ناس تشكر فيه وناس تقول لا اوعى ) عندى خالى وخالتو والاتنين بيشدو شعرهم منو
فريش
ملاحظات
مش دى طبعا كل الانواع الموججودة في السوق انا بقول الانواع الاشهر و الى سألت عنها وشوفت رأى فتوكات فيها وبحثت عنها كتير في المدونة
زى ما قولتلك متقوليش احسن جهاز ايه قولى انا ميزانيتى ايه ومتعقديش نفسك لان قدام ربنا يرزقك ان شاء الله وغير زى منتى عاوزة وكلو بيعيش وكلو بيشتغل وكلو زى بعضو وكلو بيتصلح لا تقلقي يعنى متجهديش نفسك واهلك او خطيبك
باقي الاجهزة المكواه و المكنسة و الميكروويف والفرن لسة مجبتهمش فمعرفش حاجة عنهم
يارب اكون قدرت افدكم ولو شايفن الموضوع كويس هيفيد عرايس تانية قيمو عشان يثبت
فتوكة شبراووووية فتوكة شبراووووية فتكات متميزة Fatakat 752305 القاهرة – مصر